စီးရီးအေကလပ် ကိုမိုအသင်းဟာ အာဂျင်တီးနားကွင်းလယ်တိုက်စစ်ကစားသမား နီကိုပက်ဇ်အတွက် စပါးအသင်းရဲ့ ယူရိုသန်း(၇၀)နဲ့ ကမ်းလှမ်းမှုကို ငြင်းပယ်ခဲ့ကြောင်း သိရပါတယ်။
ကိုမိုအသင်းဟာ နီကိုပက်ဇ်(၂၀ နှစ်)ကို ၂၀၂၄ နွေရာသီမှာ ရီးယဲလ်အသင်းဆီကနေ ယူရို(၆)သန်းနဲ့ ခေါ်ယူခဲ့တာဖြစ်ပြီး ၂၀၂၈ ခုနှစ်အထိ စာချုပ်ချုပ်ဆိုထားပါတယ်။
နီကိုပက်ဇ်ဟာ ပထမဆုံးရာသီမှာပဲ ကိုမိုအသင်းအတွက် ခြေစွမ်းပြနိုင်ခဲ့သလို တနင်္ဂနွေနေ့က လာဇီယိုကို (၂-၀)ဂိုးနဲ့ အနိုင်ရခဲ့တဲ့ စီးရီးအေပွဲမှာလည်း ဖရီးကစ်ကနေ တစ်ဂိုးသွင်းပြီး တစ်ဂိုးဖန်တီးကာ ခြေစွမ်းပြခဲ့ပါတယ်။
ကွင်းလယ်ကို အားဖြည့်ဖို့ ကြိုးပမ်းနေတဲ့ စပါးအသင်းက နီကိုပက်ဇ်ကို ယူရိုသန်း(၄၀)နဲ့ စတင်ကမ်းလှမ်းခဲ့ပြီး တတိယအကြိမ်မှာ ယူရိုသန်း(၇၀)အထိ မြင့်တက်လာခဲ့ပေမဲ့ ကိုမိုအသင်းက ငြင်းပယ်ခဲ့ခြင်းဖြစ်ကြောင်း သိရပါတယ်။
ရီးယဲလ်အသင်းက နီကိုပက်ဇ်ကို ရောင်းထုတ်ခဲ့ချိန်မှာ ၂၀၂၆ ဒါမှမဟုတ် ၂၀၂၇ နွေရာသီမှာ ပြန်လည်ခေါ်ယူနိုင်မယ့် သဘောတူညီချက် ရယူထားကြောင်း သိရပြီး နီကိုပက်ဇ်ကလည်း ရီးယဲလ်မှာ ပြန်ကစားဖို့ ဆန္ဒရှိနေကြောင်း သိရပါတယ်။
နီကိုပက်ဇ်အတွက် စပါးအသင်းရဲ့ ယူရိုသန်း(၇၀)နဲ့ ကမ်းလှမ်းမှုကို ကိုမိုအသင်း ငြင်းပယ်
Related Articles
