ရှမ်းပြည်နယ်​မြောက်ပိုင်း ကွတ်ခိုင်မြို့နယ် မုံးစီး​ကျေးရွာရှိ ​​MNDAA ၏ခွင့်ပြုချက်ဖြင့် ရွှေတူး​ဖော်မှုအ​ပေါ် မတ် ၅ ရက်က ကန့်ကွက်ခဲ့သည့် ​ဒေသခံ​​လေးဦးနှင့် KIA အဖွဲ့ဝင်နှစ်ဦး MNDAA ၏ ပစ်ခတ်မှု​ကြောင့် ​သေဆုံးခဲ့ဟု ​ဒေသတွင်းမီဒီယာများ၏ ​ဖော်ပြမှုအရ သိရသည်။

အဆိုပါ ရွှေတူးဖော်နေမှုကို MNDAA က ဒေသခံတွေရဲ့ သဘောတူညီမှုမရပဲ ခွင့်ပြုထားခြင်းဖြစ်ပြီး လယ်ယာမြေလုပ်ကွက်များကို ထိခိုက်လာသည့်အတွက် ဒေသခံများကက ရွှေတူးဖော်မှုကို ကန့်ကွက်ရာတွင် အငြင်းပွားကာ ကိုးကန့်စစ်သားများ ရောက်ရှိလာပြီး ပစ်ခတ်ခဲ့ခြင်းဖြစ်သည်ဟု ​​ဒေသတွင်း မီဒီယာများက ​ဖော်ပြမှုအရ သိရသည်။

အဆိုပါ ​ပစ်ခတ်မှု​ကြောင့် ဒဏ်ရာရသူ ​ခြောက်ဦးထက်မနည်းရှိပြီး ​သေဆုံးသူ KIA တပ်ဖွဲ့ဝင်နှစ်ဦးသည် မုံးစီး​ဒေသခံများပင်ဖြစ်​ကြောင်းသိရသည်။

ကွတ်ခိုင်မြို့နယ်တွင် လက်ရှိကာလ၌ ကွတ်ခိုင်မြို့ပေါ်​ဒေသကို TNLA က ထိန်းချုပ်ထားပြီး တာမိုးညဲမြို့နယ်ခွဲနှင့် မုံးစီး​ဒေသများကိုMNDAA က ထိန်းချုပ်ထား​ကြောင်း သိရသည်။

ထို့ပြင် ကွတ်ခိုင်မြို့နယ်ရှိ နမ့်ဖတ်ကာ​ဒေသကို KIA အဖွဲ့ကထိန်းချုပ်ထားကာ ကွတ်ခိုင်မြို့နယ်အတွင်း လက်နက်အဖွဲ့များ ထိန်းချုပ်​​ဒေသများ၏ ဆက်စပ် ဧရိယာများတွင် MNDAA နှင့် KIA အကြား၊ TNLA နှင့် KIA အကြား အငြင်းပွားမှုများ ဖြစ်​​ပေါ်ထားသည်။