ဘရိုက်တန်အသင်းကို (၄-၂) ဂိုးနဲ့အနိုင်ရတဲ့ ပရီးမီးယားလိဂ်ပွဲစဉ် (၆) အပြီးမှာ ချယ်လ်ဆီးအသင်းရဲ့ ချန်ပီယံဆုနဲ့ ချန်ပီယံလိဂ်ဝင်ခွင့်အတွက် ရေပန်းစားမှုတွေက အဆ (၆၀)ကျော်အထိမြင့် တက်လာခဲ့တယ်။ အနီးစပ်ဆုံးပြောရရင် ပွဲစဉ် (၁) မတိုင်မီ ရာသီအစမှာ ချယ်လ်ဆီးအသင်းရဲ့ ချန်ပီယံလိဂ်ဝင်ခွင့်အတွက်ရေပန်းစားမှုက (၂ဝး၁)သာ ရှိခဲ့ပေမဲ့ လက်ရှိမှာတော့ (၄း၅)အထိအဆမတန် မြင့်တက်လာခဲ့တာပါ။ ရာသီအစကာလမို့ ရေပန်းစားမှုတွေ၊ ကိန်းဂဏန်းအချက်အလက်တွေအ ပြောင်းအလဲမြန်တာက အံ့အားသင့်စရာမဟုတ်ဘူး ဆိုရင်တောင် မာရက်စကာနဲ့အတူ ချယ်လ်ဆီးအသင်းရဲ့ တိုးတက်လာမှုနဲ့ အလားအလာတွေက မဖြစ်မနေအသိအမှတ်ပြုရမှာပါ။