အသက်အရွယ်ရတဲ့ ကစားသမားတွေ များလာပြီး ခေတ်သစ်တစ်ခုစတင်ဖို့ လိုအပ်နေတဲ့ ရီးယဲလ်အတွက် အန်ဆယ်လော့တီဟာ အသင့်တော်ဆုံး ထိန်းကျောင်းပေးနိုင်မယ့်သူလို့ ပီရက်ဇ် ယုံကြည်ခဲ့ပုံပါပဲ။ နှစ်ဦးနှစ်ဖက်ဆက်ဆံရေးနဲ့ နားလည်မှုက အကောင်းဆုံးအခြေအနေမှာရှိတာကြောင့် ပီရက်ဇ်နဲ့ အန်ဆယ်လော့တီဟာ မကြာခဏဆိုသလို ဆွေးနွေးမှုတွေလုပ်တယ်။ ဒါ့ပြင် လက်ရှိအခြေအနေမှာ ပီရက်ဇ်အနေနဲ့ ကွင်းသစ်စီမံကိန်းရှိနေလို့ တစ်ချိန်ကလို ကြယ်ပွင့်ကစား သမားတွေကို တစ်ပြိုင်နက်စုပြုံခေါ်ယူပြီး ဂလက်တီကိုအသင်းတစ်သင်း တည်ဆောက်ဖို့ထက် အန်ဆယ်လော့တီနဲ့ ပူးပေါင်းအဖြေရှာကာ အဓိကလိုအပ်တဲ့ကစားသမားတွေကိုပဲ တစ်ဆင့်ချင်းဖြည့် ဆည်းဖို့ စီစဉ်နေထားပုံလည်းရတယ်။