ယင်းပွဲအပြီးတွင် ချင်းဒေါင်ဝေါင်ဟိုင်အသင်းက ၅၇ မှတ်ရရှိထားပြီး ရာသီပြီးဆုံးရန် လက်ကျန်တစ်ပွဲအလိုတွင် ဒုတိယနေရာမှအသင်းကို သုံးမှတ်အသာရ ထားသဖြင့် တရုတ်စူပါလိဂ်သို့ ပထမဆုံးအကြိမ် တန်းတက်ခွင့်ရရန် သေချာသွားပြီဖြစ်သည်။
ယာယာတိုရေးပါဝင်ကစားနေသည့် တရုတ်ကလပ်အသင်း စူပါလိဂ်သို့တန်းတက်ခွင့်ရရှိ
ဘာစီလိုနာနှင့် မန်စီးတီးကွင်းလယ်လူဟောင်း ယာယာတိုရေး ပါဝင်ကစားနေသည့် တရုတ်ကလပ် ချင်းဒေါင်ဝေါင်ဟိုင်အသင်းသည် လာမည့်ရာသီတွင် တရုတ်စူပါလိဂ် ပြိုင်ပွဲသို့ တန်းတက်ခွင့်ရရှိခဲ့ကြောင်း သိရသည်။
တရုတ် League One ကလပ် ချင်းဒေါင်ဝေါင်ဟိုင်အသင်းသည် အောက်တိုဘာ ၂၆ ရက်က ယှဉ်ပြိုင် ကစားသည့်ပွဲတွင် ရှန်ဟိုင်းရှန်းရှင်း အသင်းကို (၂-၀) ဂိုးဖြင့် အနိုင်ရခဲ့ပြီး ယာယာတိုရေးက ပွဲချိန်ပြည့် ပါဝင်ကစားခဲ့သည်။
ယင်းပွဲအပြီးတွင် ချင်းဒေါင်ဝေါင်ဟိုင်အသင်းက ၅၇ မှတ်ရရှိထားပြီး ရာသီပြီးဆုံးရန် လက်ကျန်တစ်ပွဲအလိုတွင် ဒုတိယနေရာမှအသင်းကို သုံးမှတ်အသာရ ထားသဖြင့် တရုတ်စူပါလိဂ်သို့ ပထမဆုံးအကြိမ် တန်းတက်ခွင့်ရရန် သေချာသွားပြီဖြစ်သည်။
အသက် ၃၆ နှစ်ရှိပြီဖြစ်သည့် ယာယာတိုရေးသည် ပြီးခဲ့သည့် ဒီဇင်ဘာတွင် အိုလံပီယာကော့စ်အသင်းနှင့် လမ်းခွဲပြီးနောက် မေလတွင် ကစားသမားဘဝမှ အနားယူကြောင်း ကြေညာခဲ့သော်လည်း ဇူလိုင်တွင် ချင်းဒေါင်အသင်း နှင့် လက်တွဲခဲ့ခြင်းဖြစ်သည်။
