ရန်ကုန်-မန္တလေး အမြန်လမ်းမကြီး ၁၂၄ မိုင်အနီးတွင် အောက်တိုဘာ၂၂ ရက် (ယနေ့) ည ၆ နာရီခွဲခန့်က နေပြည်တော်ဘက်မှ ရန်ကုန်ဘက်သို့ မောင်းနှင်လာသော ကင်တာယာဉ်က ရပ်ထားသော KLUGER အမျိုးအစားမော်တော်ယာဉ်အား ဝင်တိုက်မိရာမှ နှစ်လသားအရွယ် မိန်းကလေးတစ်ဦးသေဆုံးကာ လူ လေးဦး ထိခိုက်ဒဏ်ရာရရှိသွားခဲ့ကြောင်း ဗောဓိကုန်း အမြန်လမ်းမကြီး ရဲစခန်းမှသိရသည်။
ယာဉ်မတော်တဆမှုဖြစ်စဉ်နှင့်ပတ်သက်ပြီး ဗောဓိကုန်းအမြန် လမ်းမကြီး မီးသတ်စခန်းတာဝန်ခံ လ/ထဦးစီးမှူးကိုပြည့်ဖြိုးအောင်က “ရှေ့မှာရပ်ထားတဲ့ KLUGER ကို နောက်ကနေ တိုယိုတာ ကန်တာကဝင်တိုက်မိတာ၊ ရှေ့က KLUGER ကတော့ ကျား(၄) ယောက်၊မ(၄) ယောက်ပါတာ ကျား တစ်ယောက် မ(၃) ယောက် ဒဏ်ရာရရှိတယ် ကလေးမတစ်ယောက်ကတော့ ဆေးရုံမှာဆုံးသွားတယ်၊ ရှေ့မှာက ၄ ဦး ဒဏ်ရာရတဲ့အထဲမှာမှ ကလေးမတစ်ဦး ဆုံးတယ်ပေါ့၊ နောက်က ကားကကျတော့ ကျား ၂ ယောက်ပါတာမှာ ကျား တစ်ယောက် ဒဏ်ရာရရှိတယ်၊ သူတို့ကို ဖြူးဆေးရုံကို ပို့လိုက်ပါတယ်၊ ဒဏ်ရာရတဲ့လူတွေ အခြေအနေကတော့ အသက်အန္တရယ် စိုးရိမ်ရတဲ့အနေအထားတော့ မရှိပါဘူး၊ ဖြစ်တဲ့အချိန်က ၆ နာရီ ၅၀ လောက်ပေါ့” ဟုပြောကြားသည်။
ဖြစ်စဉ်မှာ အောက်တိုဘာလ (၂၂)ရက် နေ့ ညနေ ၆ နာရီခွဲအချိန် ခန့်က ရန်ကုန်-မန္တလေးအမြန်လမ်းမကြီးပေါ်တွင် နေပြည်တော်ဘက်မှ ရန်ကုန်ဘက်သို့ ယာဉ်မောင်း ကိုအောင်တင်ဝင်း မောင်းနှင်ပြီး ကျား(၄)ဦး၊ နှစ်လသားအရွယ် မိန်းကလေးတစ်ဦး အပါအဝင် မ(၄)ဦး၊ စုစုပေါင်း ၈ ဦး လိုက်ပါလာ သော1G/---KLUGER အနက်ရောင်မော်တော်ယာဉ်သည် အမြန်လမ်းမကြီး မိုင်တိုင်အမှတ် ၁၂၄ မိုင် ၂ ဖာလုံနှင့် ၃ ဖာလုံအကြား သို့ အရောက်၌ ယာဉ်၏အချက်ပြမီးပြ၍ လမ်းဘေးမြေသားလမ်းပေါ် တွင်ရပ်ထားခဲ့ကြောင်း၊ ထိုသို့ ရပ်ထားစဉ် နောက်မှလားရာတူအတိုင်း ယာဉ်မောင်း ကိုမောင်မိုး မောင်းနှင်လာသော ယာဉ်အမှတ်2A/--- Canter အမျိုး အစားမော်တော်ယာဉ်က အရှိန်မထိန်းနိုင်ပဲ KLUGER အနက်ရောင် မော်တော်ယာဉ်အား ဝင်ရောက်တိုက်မိခဲ့ခြင်းဖြစ်ကြောင်း၊ ထိုသို့တိုက်မိပြီးနောက် ကန်တာမော်တော်ယာဉ်မှာ လမ်းမအနောက်ဘက်ခြမ်းမှ လမ်းမအရှေ့ဘက်ခြမ်းသို့ ရောက်ရှိသွားခဲ့ပြီး လမ်းအရှေ့ဘက်ခြမ်းရှိ အမြန်လမ်းမကြီးအား ကာရံထားသော ရှိန်းလိပ်သံဇကာ(၉)ခန်းအား ထပ်မံဝင်ရောက် တိုက်မိခဲ့ကြောင်းသိရသည်။ယာဉ်မတော်တဆမှုဖြစ်ပွားရာသို့ ဗောဓိကုန်းအမြန်လမ်းမကြီးရဲစခန်းမှတာဝန်ရှိသူများ၊ ဗောဓိကုန်အမြန်လမ်းမီးသတ်စခန်းမှတာဝန်ရှိသူ များက သွားရောက်စစ်ဆေးခဲ့ရာ KLUGER အနက်ရောင်မော်တော် ယာဉ်ပေါ်ပါ လူ ၈ ဦးအနက် နှစ်လသားအရွယ် မိန်းကလေးတစ်ဦးအပါအဝင် မ(၄)ဦးနှင့် ကန်တာယာဉ်ပေါ်မှ အမျိုးသား(၁)ဦး၊စုစုပေါင်း ၅ ဦးတို့တွင် ထိခိုက်ဒဏ်ရာများ ရရှိသွားသဖြင့် ဖြူးမြို့ ပြည်သူ့ဆေးရုံကြီးသို့ ပို့ဆောင်ကုသပေးထားစဉ် နှစ်လသားအရွယ် မဆုမြတ်သီရိဖူးမှာ ယာဉ်မတော်တဆမှုဖြစ်ပွားစဉ်ရရှိခဲ့သော ဒဏ်ရာဖြင့်သေဆုံးသွားခဲ့ကြောင်း၊ ကျန်သော ထိခိုက်ဒဏ်ရာရရှိသူများမှာ အသက်အန္တရယ်စိုးရိမ်ရသော အခြေအနေမရှိပဲ ဖြူးဆေးရုံတွင် အတွင်းလူနာများအဖြစ်ဆေးကုသမှုခံယူလျှက်ရှိကြောင်း၊ ယာဉ်တိုက်မှုကြောင့် KLUNGER မော်တော်ယာဉ်မှာ နောက်ပိုင်း ပိန်ချိုင့်ပျက်စီးသွားခဲ့ပြီး ကန်တာယာဉ်မှာ ရှေ့လေကာမှန်ကွဲ၊ ဦးခေါင်းပိုင်းပိန်ချိုင့်ပျက်စီးမှုဖြစ်ပွားခဲ့ကြောင်းဗောဓိကုန်း အမြန်လမ်းမကြီးရဲစခန်း၏ ရဲမှတ်တမ်းများအရသိရသည်။အဆိုပါယာဉ်မတော်တဆမှုဖြစ်စဉ်နှင့်ပတ်သက်၍ ယာဉ်အားမဆင်မခြင်ပေါ့ဆစွာမောင်းနှင်ပြီး လူသေဆုံးမှုနှင့်ထိခိုက်ဒဏ်ရာရရှိအောင်မောင်းနှင်သည့် ကန်တာ ယာဉ်မောင်း မောင်မိုးအား ဥပဒေအရ အရေး ယူပေးရန် ရဲအုပ်သန်းထွန်းနိုင်က တရားလိုလုပ်တိုင်တန်းသဖြင့် ဗောဓိကုန်းအမြန်လမ်းမကြီးရဲစခန်းမှယာဉ်(ပ) ၂၈ /၂၀၁၉၊ရာဇသတ်ကြီး ပုဒ်မ၂၇၉/၃၃၇/၃၃၈/၃၀၄-က အရ အမှုဖွင့်ထားကြောင်းနှင့် အမြန် လမ်းမကြီး အင်္ဂါရပ်များ ပျက်စီးဆုံးရှုံးမှုအတွက် အမြန်လမ်းမကြီး (ပြင်/ ထိန်း)အဖွဲ့မှတိုင်စာပေး ပို့တိုင်တန်းလာပါက အမြန်လမ်းမကြီး ဥပဒေ ပုဒ်မ ၁၉ ဖြင့် ဆက်လက်အရေးယူဆောင်ရွက်သွားမည် ဖြစ်ကြောင်း ဗောဓိကုန်း အမြန်လမ်းမကြီး ရဲစခန်းမှသိရသည်။
