၂၀၂၆ ခုနှစ် တရုတ်ရုပ်ရှင်သီတင်းပတ် ဖွင့်ပွဲအခမ်းအနားသို့ နိုင်ငံတော်သမ္မတ ဦးမင်းအောင်လှိုင် တက်ရောက်ခဲ့သည်။ 

ယနေ့(ဇွန် ၈ ရက်)တွင် နေပြည်တော်ရှိ Ocean Center တွင် ၂၀၂၆ ခုနှစ် တရုတ်ရုပ်ရှင်သီတင်းပတ် ဖွင့်ပွဲအခမ်းအနား အား ကျင်းပခဲ့ခြင်းဖြစ်ပြီး အခမ်းအနားသို့ နိုင်ငံတော်သမ္မတ ဦးမင်းအောင်လှိုင်နှင့်အတူ ဇနီး ဒေါ်ကြူကြူလှ၊ ဒုတိယသမ္မတ ဒေါ်နန်းနီနီအေး၊ လွှတ်တော်ဥက္ကဋ္ဌများနှင့် ဇနီးများ၊ တပ်မတော်ကာကွယ်ရေးဦးစီးချုပ်နှင့် ဇနီး၊ ပြည်ထောင်စုဝန်ကြီးများနှင့် ဇနီးများ၊ နေပြည်တော်ကောင်စီ ဥက္ကဋ္ဌနှင့် ဇနီး၊ တပ်မတော်အဆင်မြင့် အရာရှိကြီးများ၊ ဒုတိယဝန်ကြီးများ၊ တရုတ်နိုင်ငံ သံအမတ်ကြီး Ms. Ma Jia နှင့် ဖိတ်ကြားထားသည့် ဧည့်သည်များ တက်ရောက်ကြသည်။ 

၂၀၂၆ ခုနှစ် တရုတ်ရုပ်ရှင်သီတင်းပတ် ဖွင့်ပွဲအခမ်းအနားသို့ ရောက်ရှိလာသည့် နိုင်ငံတော်သမ္မတ ဦးမင်းအောင်လှိုင် နှင့် ဇနီးတို့အား တရုတ်နိုင်ငံ သံအမတ်ကြီး Ms. Ma Jia က ကြိုဆိုခဲ့သည်။

ထို့နောက် နိုင်ငံတော်သမ္မတ ဦးမင်းအောင်လှိုင် နှင့် ဇနီး၊ တရုတ်နိုင်ငံသံအမတ်ကြီးနှင့် တာဝန်ရှိ ပုဂ္ဂိုလ်များသည် မှတ်တမ်းတင်လက်မှတ်ရေးထိုးသည့် နေရာတွင် အမှတ်တရ လက်မှတ်ရေးထိုးခဲ့သည်။

ထို့နောက် နိုင်ငံတော်သမ္မတ ဦးမင်းအောင်လှိုင်=သည် China Media Group-CMG မှ သတင်းထောက်ဖြစ်သူ၏ မေးမြန်းသည့် မေးခွန်းများအား ပြန်လည်ဖြေကြားခဲ့သည်။

ထို့နောက် နိုင်ငံတော်သမ္မတ ဦးမင်းအောင်လှိုင်နှင့် ဇနီး၊ တာဝန်ရှိသူများသည် ရုပ်ရှင်ရုံအတွင်း နေရာယူကြပြီး ၂၀၂၆ ခုနှစ် တရုတ်ရုပ်ရှင်သီတင်းပတ် ပရိုမိုဗီဒီယို(Promo Video) အား ကြည့်ရှုအားပေးခဲ့သည်။

ထို့နောက် နိုင်ငံတော်သမ္မတ ဦးမင်းအောင်လှိုင် နှင့် တရုတ်နိုင်ငံ သံအမတ်ကြီး Ms. Ma Jiaယ တို့သည် ၂၀၂၆ ခုနှစ် တရုတ်ရုပ်ရှင်သီတင်းပတ်နှင့်ပတ်သက်၍ အမှာစကားများ ပြောကြားခဲ့သည်။ 

ထို့နောက် နိုင်ငံတော်သမ္မတ ဦးမင်းအောင်လှိုင်နှင့် ဇနီး၊ တာဝန်ရှိသူများနှင့် တရုတ်နိုင်ငံ သံအမတ်ကြီး Ms. Ma Jia တို့သည် ရုပ်ရှင်ကြည့်ရှုသည့်နေရာသို့ နေရာယူခဲ့ပြီး ပြသဖျော်ဖြေခဲ့သည့် Lighting Up the Stars ရုပ်ရှင်ဇာတ်ကားအား ကြည့်ရှုအားပေးခဲ့သည်။