ဆာဂျီနဲ့ သူ့သမီးယူလီယာတို့ အဆိပ်ခတ်အသတ်ခံရတဲ့ ဖြစ်ရပ်ဟာ အေဘရာမိုဗစ်ခ်ျရဲ့ ဗြိတိန်ပြည်ဝင်ခွင့်အတွက် ကြီးမားတဲ့ ရိုက်ခတ်မှုပါပဲ။ ပူတင်ရဲ့လူယုံလို့ သံသယဝင်ခံထားရသူ အေဘရာမိုဗစ်ခ်ျကို ဗြိတိန်အစိုးရက ပြည်ဝင်ခွင့်ဗီဇာနဲ့ ပတ်သက်ရင် လိုအပ်တာထက် ပိုတင်းကျပ်ခဲ့တယ်။ အေဘရာမိုဗစ်ခ်ျရဲ့ ဗီဇာအမျိုးအစားက ရင်းနှီးမြှုပ်နှံသူဗီဇာပါ။ ဗြိတိန်အစိုးရရဲ့ ဗီဇာတင်းကျပ်မှု Tier 1 ထဲ ရင်းနှီးမြှုပ်နှံသူဗီဇာ ပါဝင်နေတာပါပဲ။ ဗီဇာမရလို့ ချယ်လ်ဆီးကို မ ရောင်းချခင်ကာလအနည်းငယ်မှာ ယူနိုက်တက်ကို အနိုင်ရတဲ့ FA ဖလားဖိုင်နယ်ကို သူ လာကြည့်ခွင့်မရရှာဘူး။ သူ့ရဲ့ ကိုယ်ပိုင်ဘိုး ရင်းလေယာဉ်ဟာ ဗြိတိန်ကို ပြန်မရောက်ခဲ့ပါဘူး။ အေဘရာမိုဗစ်ခ်ျကတော့ သူ့ရင်ထဲက ခံစားချက်ကို မြိုသိပ်နိုင်သူမဟုတ်လား။ သူ့ရင်ထဲ ခံစားချက်တွေ မီးတောင်လို ပေါက်ကွဲနေလည်း မှုန်တေတေမျက်နှာထားနဲ့ပဲ မြင်ရလိမ့်မယ်။