ဒိုက်ဦးမြို့ ဖအောင်ဝဲရပ်ကွက်တွင် လက် ဖက်ရည်ဆိုင်ထိုင်နေသည့် ရပ်ကွက်အုပ်ချုပ် ရေးမှူးနှင့် ရာအိမ်မှူးတို့ သေနတ်ဖြင့်ပစ်ခတ် ခံရပြီး တစ်ဦး သေဆုံးကာ တစ်ဦး ဒဏ်ရာရရှိ ခဲ့ကြောင်း မြန်မာနိုင်ငံရဲတပ်ဖွဲ့၏ သတင်း ထုတ်ပြန်ချက်အရ သိရသည်။
ဇန်နဝါရီ ၁၈ ရက် နံနက် ၉ နာရီ ၄၅ မိ နစ်တွင် ပဲခူးတိုင်းဒေသကြီး ဒိုက်ဦးမြို့ ဖအောင် ဝဲရပ်ကွက်ရှိ ‘ဟိန်းကျော်’ လက်ဖက်ရည်ဆိုင်၌ သေနတ်ပစ်ခတ်မှုဖြစ်ပွားကြောင်း သတင်းအ ရ လုံခြုံရေးတပ်ဖွဲ့ဝင်များက သွားရောက်စစ် ဆေးခဲ့ရာ အဆိုပါလက်ဖက်ရည်ဆိုင်အတွင်း ၌ ဖအောင်ဝဲရပ်ကွက်နေ ရာအိမ်မှူး ဦးခင် မောင်အေး (၆၀ နှစ်) တွင် ဝဲရင်အုံကျည်ဖောက် ဝင်ဒဏ်ရာတစ်ချက်ဖြင့် သေဆုံးနေပြီး ဖ အောင်ဝဲ ရပ်ကွက်အုပ်ချုပ်ရေးမှူး ဦးခင်ဝင်း (၆၈ နှစ်) တွင် ဦးခေါင်းနောက်စေ့ကျည်ရှပ် ထိဒဏ်ရာတစ်ချက်ရရှိထားသည်ကို တွေ့ရှိ ရသဖြင့် ဖြစ်စဉ်အား စိစစ်ခဲ့ရာ ၎င်းင်းတို့နှစ်ဦး သည် လက်ဖက်ရည်ဆိုင်အတွင်း ထိုင်နေစဉ် လူနှစ်ဦး (စိစစ်ဆဲ) က ဆိုင်ကယ်တစ်စီးဖြင့် ရောက်ရှိလာပြီး သေနတ်ဖြင့်ပစ်ခတ်ကာ ထွက်ပြေးခဲ့သဖြင့် သေဆုံး၊ ထိခိုက်ဒဏ်ရာရရှိခဲ့ခြင်းဖြစ်ကြောင်း သိရှိခဲ့ရသဖြင့် သေဆုံး၊ ထိခိုက်ဒဏ်ရာရရှိသူများအား ဒိုက်ဦးမြို့နယ် ပြည်သူ့ဆေးရုံသို့ ပို့ဆောင်ပေးခဲ့ကြောင်း သိ ရသည်။
ထိုသို့ အုပ်ချုပ်ရေးပိုင်းဆိုင်ရာ တာဝန်ရှိ သူများအား လုပ်ကြံ၊ သတ်ဖြတ်ခဲ့သူများအား ဖော်ထုတ်ဖမ်းဆီး၍ ဥပဒေနှင့်အညီ အရေး ယူနိုင် ရေး လုံခြုံရေးတပ်ဖွဲ့ဝင်များက ဆက် လက်ဆောင်ရွက်လျက်ရှိကြောင်း သိရသည်။
