ဖေဖော်ဝါရီ လဆန်းပိုင်းတွင် မတ်ပဲ တစ်တန်လျှင် ကျပ် ၁၆၀၀၀၀၀ ကျော် ပေါက်ဈေးရှိပြီး ဈေးအေးနေကာ ပြည်ပတင်ပို့မှု နည်းနေသေးကြောင်း မြန်မာနိုင်ငံ ပဲ/နှမ်း ကုန်သည်များ အသင်းမှ သိရသည်။“ဈေးအေးနေတယ်၊ မတ်ပဲအသစ်တွေကတော့ ပေါ်လာပြီ။ နိုင်တော့ မနိုင်သေးဘူး။ တင်ပို့မှုကတော့ နည်းနေသေးတယ်။ နောက် နှစ်ပတ်လောက်ဆို များလာမှာပါ” ဟု မြန်မာနိုင်ငံ ပဲ/နှမ်း ကုန်သည်များအသင်းမှ သတင်းပြန်ကြားရေး တာဝန်ရှိသူ တစ်ဦးဖြစ်သည့် ဒေါက်တာမြတ်စိုးက ပြောကြားသည်။၂၀၁၆ နှစ်စတွင် မတ်ပဲ FAQ တစ်တန်လျှင် ကျပ် ၁၈၅၀၀၀၀ နှင့် SQ တစ်တန်လျှင် ကျပ် ၁၉၁၅၀၀၀ ဖြင့် ဈေးဖွင့်ထားပြီး ဖေဖော်ဝါရီ ၂ ရက် ဈေးမှာ မတ်ပဲ FAQ/RC တစ်တန်နှင့် ကျပ် ၁၆၇၈၀၀၀ ရှိပြီး မတ်ပဲ SQ/RC တစ်တန်လျှင် ကျပ် ၁၇၄၀၀၀၀ ရှိကြောင်း ရန်ကုန်တိုင်းဒေသကြီး (ဘုရင့်နောင်ကုန်စည်ဒိုင်) မှ သိရသည်။ရန်ကုန်တိုင်းဒေသကြီး (ဘုရင့်နောင် ကုန်စည်ဒိုင်) က ထုတ်ပြန်သည့် ပြည်တွင်း မတ်ပဲဈေးနှုန်းများအရ ၂၀၁၅ ခုနှစ် ဒီဇင်ဘာ ၇ ရက်က မတ်ပဲ FAQ တစ်တန်လျှင် ကျပ် ၂၂၇၅၀၀၀ ရှိကာ မတ်ပဲ SQ တစ်တန်လျှင် ကျပ် ၂၃၇၅၀၀၀ ဈေးရှိကြောင်း သိရသည်။ဖေဖော်ဝါရီ ၃ ရက်၏ FOB ဈေးတွင် မတ်ပဲ (2016 Crop) FAQ တစ်တန်လျှင် ဒေါ်လာ ၁၃၄၀-၁၃၇၀ ဈေးရှိပြီး မတ်ပဲ (2016 Crop) SQ တစ်တန်လျှင် ဒေါ်လာ ၁၃၈၀-၁၄၁၀ ဈေးရှိကြောင်း ရန်ကုန်တိုင်းဒေသကြီး (ဘုရင့်နောင် ကုန်စည်ဒိုင်) မှ သိရသည်။မတ်ပဲဈေးမှာ ၂၀၁၅ ခုနှစ် အတွင်းက တစ်တန်လျှင် ကျပ် ၂၆ သိန်းကျော်အထိ စံချိန်တင် မြင့်တက်မှု ဖြစ်ပေါ်ခဲ့ဖူးပြီး မြန်မာနိုင်ငံမှ ထွက်ရှိသည့် ပဲများကို အဓိကအားဖြင့် အိန္ဒိယနိုင်ငံသို့ တင်ပို့မှု ပြုလုပ်နေခြင်း ဖြစ်ကြောင်း သိရသည်။
ဖေဖော်ဝါရီ လဆန်းပိုင်းတွင် မတ်ပဲတစ်တန်လျှင် ကျပ် ၁၆၀၀၀၀၀ ကျော် ပေါက်ဈေးရှိပြီး ဈေးအေးကာ ပြည်ပတင်ပို့မှု နည်းနေသေးကြောင်း သိရ
