ပွဲထွက်ခွင့်အတွက် သက်သေပြရန် ကွင်းလယ်ကစားသမား စမစ်ရိုးကို အာတီတာ စိန်ခေါ်စကားဆို
Photo: Getty Images
အာဆင်နယ်နည်းပြ အာတီတာက အသင်းကွင်းလယ်ကစားသမား စမစ်ရိုးအား ပုံမှန်ပွဲထွက်ခွင့်အတွက် သက်သေပြရန် စိန်ခေါ်ပြောကြားခဲ့သည်။
အင်္ဂလန်ကွင်းလယ်ကစားသမား စမစ်ရိုး (၂၃ နှစ်)သည် ၂၀၂၁-၂၂ ရာသီတွင် အာဆင်နယ်၏ အဓိကကစားသမားအဖြစ် ခြေစွမ်းပြနိုင်ခဲ့သူဖြစ်သည်။
သို့သော် စမစ်ရိုးသည် ၂၀၂၂-၂၃ ရာသီတွင် ဒဏ်ရာပြဿနာများနှင့် ရုန်းကန်ခဲ့ရပြီး နောက် ယခုအခါ ပုံမှန်ပွဲကစားခွင့်ရရန် ရုန်းကန်နေရသည်။
အာတီတာက "စမစ်ရိုးက အကယ်ဒမီထွက် ပါရမီရှင်ကစားသမားပါ။ သူ့အနေနဲ့ ပွဲတွေကစားဖို့ လိုနေပါတယ်။ အဲဒီအတွက် သူ ဘာလုပ်နိုင်တယ်ဆိုတာကို သက်သေပြရမှာပါ"ဟု ပြောကြားခဲ့သည်။
