ယာလ်နက်က ဘရန့်ဖို့ဒ်အသင်းကို ရောက်ရောက်ချင်းမှာပဲ ပုံစံကောင်းတွေကို ပြသနိုင်ခဲ့ တယ်။ ပြီးခဲ့တဲ့ရာသီကဆိုရင် လိဂ်ချန်ပီယံရှစ်ပြိုင်ပွဲမှာ ယာလ်နက်အနေနဲ့ (၄၁)ပွဲအထိ ကစားခွင့် ရရှိခဲ့ပြီး ဘရန့်ဖို့ဒ်အသင်းပရီးမီးယားလိဂ်ကို တန်းတက်ခွင့်ရရှိဖို့ အဓိကကူညီနိုင်ခဲ့တဲ့ ကစားသမား တစ်ယောက်လည်း ဖြစ်ပါတယ်။ ဒါ့အပြင် သူက အခုရာသီမှာလည်း ပရီးမီးယား လိဂ် (၂၅) ပွဲအထိ ကစားခွင့်ရရှိထားခဲ့ပြီး ချယ်လ်ဆီး၊ လီဗာပူးလ်၊ ဆောက် သမ်တန်နဲ့ပွဲတွေမှာ ဂိုးတွေသွင်းယူ နိုင်ခဲ့တယ်။ ဂျာမနီလက်ရွေးစင် အသင်းအတွက် မကစားဖူးသေးပေမဲ့ ဂျာမနီသက်တမ်းအလိုက် အသင်း တွေမှာ တောက်လျှောက် ကစားခွင့် ရနေသူဖြစ်ပြီး ဂျာမန်ပရိသတ်တွေ ကတော့ သူ့ကို ခီဒီရာ အသေးစား လေးလို့ ဆိုကြပါတယ်။