ဒီဇင်ဘာ ၁၇ ရက် ည ၈ နာရီမှ ဒီဇင်ဘာ ၁၈ ရက် ည ၈ နာရီထိ ဓါတ်ခွဲနမူနာစုစုပေါင်း ၁၃၆၈၇ ခုအား စစ်ဆေးပြီးစီးရာ COVID - 19 ရောဂါ ဓါတ်ခွဲ အတည်ပြုလူနာသစ် ၁၇၀ ဦး တွေ့ရှိကြောင်း ကျန်းမာရေးနှင့်အားကစားဝန်ကြီးဌာန၏ ဒီဇင်ဘာ ၁၈ ရက် ည ၈ နာရီ ထုတ်ပြန်ချက်အရသိရသည်။
ဓာတ်ခွဲအတည်ပြုလူနာသစ် ၁၇၀ ဦးထပ်မံတွေ့ရှိခဲ့သဖြင့် ဒီဇင်ဘာ ၁၈ ရက်အတွက် ရောဂါပိုးတွေ့ရှိမှု ရာခိုင်နှုန်းမှာ ၁ ဒသမ ၂၄ ရာခိုင်နှုန်းရှိကြောင်း ယင်းထုတ်ပြန်ချက်အရ သိရသည်။
ထို့ပြင် ထပ်မံသေဆုံးသူဦးရေ ၅ ဦးရှိသဖြင့် ဒီဇင်ဘာ ၁၈ ရက်အထိ သေဆုံးသူ စုစုပေါင်း ၁၉၂၁၃ ဦးရှိကြောင်းသိရသည်။
မြန်မာနိုင်ငံတွင် ဒီဇင်ဘာ ၁၈ ရက် ည ၈ နာရီအထိ ဓါတ်ခွဲနမူနာ စုစုပေါင်း ၅၈၈၆၃၉၄ ခု ကိုစစ်ဆေးခဲ့ရာ COVID-19 ဓါတ်ခွဲအတည်ပြုလူနာ စုစုပေါင်း ၅၂၈၁၀၁ ဦး ရှိပြီဖြစ်ကြောင်းသိရသည်။
ထို့အတူ ဒီဇင်ဘာ ၁၈ ရက်တွင် ဆေးရုံမှ ဆင်းခွင့်ရရှိသူ ၂၄၇ ဦးရှိသဖြင့် စုစုပေါင်း ၅၀၅၁၀၃ ဦး ဆေးရုံမှ ဆင်းခွင့် ရရှိပြီဖြစ်ကြောင်းသိရသည်။
