ဂျော်ဂျင်ဟိုက "ကျွန်တော်က ပြဿနာတွေရင်ဆိုင်ရင်း ကြီးပြင်းလာရတယ်။ အဖေနဲ့ အမေက ကျွန်တော့်အသက် (၆)နှစ်သားမှာပဲ ကွဲသွားကြတယ်။ အမေက သန့်ရှင်းရေးဝန်ထမ်းလုပ်ပြီး ငွေရှာခဲ့ပါတယ်။ ပြီးတော့ ကျွန်တော့်ကို ဘောလုံးအားကစားနည်းအကြောင်း ပထမဆုံးသင်ကြားပေးသူဟာ သူပါပဲ။ အမေက အခုအချိန်အထိ ဘောလုံးကစားနေဆဲဖြစ်ပြီး ဘောလုံးအားကစားနည်းနဲ့ပတ်သက်ရင်လည်း အတော်များများ သိပါတယ်။ ကမ်းခြေမှာ ကျွန်တော့်ကို ဘောလုံးလေ့ကျင့်ခန်းတွေ လုပ်ခိုင်းတတ်ပါတယ်။ တစ်ခါတလေဆိုရင် နေ့လယ်ခင်းတစ်ခုလုံး ကျွန်တော် လေ့ကျင့်ခဲ့ရတယ်"လို့ ပြန်ပြောပြတယ်။ အသက် (၁၃)နှစ်အရွယ်မှာ ဂျော်ဂျင်ဟိုက မာရီယာတီရေဇာရဲ့ရင်ခွင်နဲ့ အဝေးသွားရောက်ပြီး စွန့်စားခန်းဖွင့်ခဲ့ရတယ်။