မန်ယူအသင်းတိုက်စစ်မှူး ရပ်ရှ်ဖို့ဒ် သည် ကွင်းတွင်းစွမ်းဆောင်ရည်နှင့် လူမှုရေး လုပ်ငန်းများ ဆောင်ရွက်မှုကြောင့် ၂၀၁၉- ၂၀၂၀ ရာသီ ပရီးမီးယားလိဂ်ပြိုင်ပွဲ၏ Academy Graduate ဆု ဆွတ်ခူးရရှိခဲ့ကြောင်း သိရသည်။
Academy Graduate ဆုမှာ အကယ် ဒမီကစားသမားအဖြစ်မှ ပရီးမီးယားလိဂ်သို့ အောင်မြင်စွာ ကူးပြောင်းကစားနိုင်သည့် အသက် (၂၃) နှစ်နှင့်အောက် ကစားသမားများ အား ပေးအပ်ချီးမြှင့်သည့်ဆုဖြစ်ပြီး ပြီးခဲ့သည့် ၂၀၁၈-၂၀၁၉ ရာသီတွင် လီဗာပူးလ်အသင်း နောက်ခံလူ အလက်ဇန္ဒားအာနိုးလ်က ရရှိ ထားသည်။ ယင်းဆုမှာ ကွင်းတွင်းစွမ်းဆောင် ရည်ကောင်းမွန်ခြင်း၊ အနာဂတ်မျိုးဆက်သစ် များအတွက် စံနမူနာပြပရီးမီးယားလိဂ်ကစား သမားအဖြစ် ရပ်တည်နိုင်ခြင်း စသည့်အချက် များအပေါ်အခြေခံ၍ ပေးအပ်ချီးမြှင့်ခြင်းဖြစ် ပြီး ယခုရာသီအတွက် ရပ်ရှ်ဖို့ဒ်က ဆွတ်ခူးရရှိ ခဲ့သည်။ အင်္ဂလန်လက်ရွေးစင်ကစားသမား ရပ်ရှ်ဖို့ဒ် (၂၂ နှစ်) သည် ယခုရာသီ ပရီးမီး ယားလိဂ်ပြိုင်ပွဲတွင် (၁၇) ဂိုးသွင်းယူနိုင်ခဲ့ပြီး ကစားသမားဘဝတစ်လျှောက် (၅)ရာသီအတွင်း ဂိုးအများဆုံးရာသီအဖြစ် မှတ်တမ်း ဝင်ခဲ့သည်။ ထို့ပြင် ၎င်းသည် ကွင်းပြင်ပတွင် လည်း လူမှုရေးလုပ်ငန်းများ စွမ်းစွမ်းတမံ ဆောင်ရွက်ခဲ့ပြီး COVID-19 Lockdown ကာလအတွင်း Fareshare အစားအသောက် ရန်ပုံငွေအဖွဲ့အတွက် ပေါင်သန်း (၂၀) ရရှိစေ ရန် လှုံ့ဆော်ပေးနိုင်ခဲ့သလို ဗြိတိန်အစိုးရက စာသင်ကျောင်းများ၌ ဆင်းရဲနွမ်းပါးသော ကလေးငယ်များအား အခမဲ့ကျွေးမွေးသည့် အစီအစဉ် ဆက်လက်ဆောင်ရွက်ရန် တိုက် တွန်းလှုံ့ဆော်ပေးခဲ့သည်။
''အကယ်ဒမီကိုယ်စား ဆုရရှိတဲ့အတွက် အရမ်းကျေးဇူးတင်ပါတယ်။ မန်ချက်စတာ ယူနိုက်တက်ပထမအသင်းမှာ ကစားခွင့်ရ တယ်ဆိုတာ တကယ်ကြီးကျယ်ခမ်းနားတဲ့ ခြေလှမ်းတစ်ရပ်ပါ။ ဒါပေမဲ့ သူတို့ကိုသင်ပြ ပေးတဲ့ နည်းပြတွေကြောင့် လူငယ်တွေအား လုံးက ပထမအသင်းဆီရောက်ရှိဖို့ အဆင် သင့်ဖြစ်နေကြပါပြီ။ မေဆန် (ဂရင်းဝုဒ်)၊ ဘရန် ဒန် (ဝီလီယံ) တို့လို ကစားသမားတွေ ဒီနှစ်မှာ ပြသခဲ့တဲ့ပုံစံကြောင့် ဒီဆုက တကယ်ကြီးကျယ် ခမ်းနားပါတယ်။ နောက်ထပ်လည်း အများ ကြီး ထပ်လုပ်ပြနိုင်မယ်လို့ မျှော်လင့်ပါတယ်}} ဟု ရပ်ရှ်ဖို့ဒ်က Academy Graduate ဆုရရှိ ပြီးနောက် ပြောကြားသည်။
