အာဆင်နယ်ပရိသတ်တချို့ဟာ အင်္ဂလန်တောင်ပံကစားသမား မာဒူအေကေအား ခေါ်ယူမှုကို လိုလားနှစ်သက်ခြင်းမရှိဘူးလို့ သိရပါတယ်။
အာဆင်နယ်အသင်းက ချယ်လ်ဆီးကစားသမား မာဒူအေကေကို ပေါင် ၅၂ သန်းနဲ့ ခေါ်ယူဖို့ နီးစပ်နေတာဖြစ်တယ်။
ပရိသတ်တချို့က လူမှုကွန်ရက် Xမှာ #NoToMadueka ဆိုပြီး မခေါ်ယူဖို့ တောင်းဆိုနေတာပါ။
ဆန္ဒမဲကောက်ခံမှုမှာလည်း ထောက်ခံသူ လေးထောင်ကျော် ရရှိထားပါတယ်။
အဲမရိတ်စ်ကွင်းပြင်ပမှာလည်း နည်းပြ အာတေတာပုံနဲ့ "Arteta Out"လို့ ရေးခဲ့ကြပါတယ်။
ပရိသတ်တွေက မာဒူအေကေထက် ရီးယဲလ်က ရိုဒရီဂို၊ ပဲလေ့စ်က အက်ဇီးတို့လို ပိုပြီးနာမည်ကျော်ကြားသူတွေကို အလိုရှိနေတာဖြစ်ပါတယ်။
