မန္တလေးမြို့ ၊အောင်မြေသာစံမြို့နယ်၊ ဒေါနဘွားရပ်ကွက်၊ ၅၈ G လမ်း၊ ၁၀ F လမ်းနှင့် ၁၀ E လမ်း ကြားရှိ "မိုးမန္တလေး"ရွှေဆိုင်၌ ရွှေထည်များအား ဓါးပြတိုက်လုယူမှု ဧပြီ ၁၀ ရက် မွန်းလွဲ ၂နာရီခန့်က ဖြစ်ပွားခဲ့ကြောင်း သတင်းရရှိသည်။
မိုးမန္တလေးရွှေဆိုင်အား ဆိုင်ကယ်သုံးစီးနှင့်လူငါးဦးခန့်က ရောက်ရှိလာပြီး ရွှေပေါင်ချင်သည်ဟုပြောဆိုခဲ့ကြောင်း ၊ ပိုင်ရှင်မှ ရွှေအပေါင်မခံသေးကြောင်းပြောလိုက်ရာ အသင့်ပါလာသော ဓါးများဖြင့် မှန်ကောင်တာများအား ရိုက်ခွဲခဲ့ကြောင်း သိရသည်။
ထို့နောက် မှန်ကောင်တာတွင်းရှိ ရွှေထည်ပစ္စည်းများကို လုယူသွားခဲ့ကာ စီးလာသည့် ဆိုင်ကယ်တစ်စီးနှင့်ဓါးရှည်တစ်ချောင်း ကျန်ခဲ့ကာ လုယူသွားသူများကို ဖမ်းဆီးရမိရေး တာဝန်ရှိသူများမှ စုံစမ်းစစ်ဆေးဆောင်ရွက်လျက်ရှိကြောင်း သိရသည်။
ဧပြီ ၅ ရက်နေ့ကလည်း အမရပူရမြို့နယ် ၊ဆင်ရွာမြင်းမူကျေးရွာရှိ အထည်ဆိုင်တစ်ခုအား သေနတ်ကိုင်ဆောင်ထားသည့် လူ၆ဦးခန့်က ရွှေထည်နှင့်ငွေသားတို့အား လုယက်တောင်းယူမှု ဖြစ်ပွားခဲ့သည်။
