မန္တလေးမြို့ရှိ ဖုန်းဆိုင်တစ်ဆိုင်တွင် အမျိုးသမီးတစ်ဦးက ဆိုင်ဝန်ထမ်းအား ဓားဖြင့်လှမ်းထိုးကာ လုယက်ရန်ကြံစည်မှု နိုဝင်ဘာ ၁၈ ရက် နံနက် ၉ နာရီခန့်က ဖြစ်ပွားခဲ့ကြောင်း သတင်းရရှိသည်။
မဟာအောင်မြေမြို့နယ်၊ မဟာမြိုင်(၁)ရပ်ကွက်၊ ၆၉လမ်း၊ ၃၈လမ်းနှင့် ၃၉ လမ်းကြားရှိ ဖုန်းအရောင်းဆိုင်တစ်ဆိုင်တွင် အဆိုပါအမှု ဖြစ်ပွားခဲ့ခြင်းဖြစ်သည်။
နိုဝင်ဘာ ၁၈ ရက် နံနက် ၉ နာရီခန့်တွင် အသက်၂၃ နှစ်အရွယ် အမျိုးသမီးတစ်ဦးသည် အဆိုပါ ဖုန်းအရောင်းဆိုင် အတွင်းသို့ရောက်ရှိလာပြီး Kpay သိန်း ၅၀ ထုတ်ချင်ကြောင်းပြောရာ ဆိုင်ဝန်ထမ်းများက ဘဏ်သွားထုတ်ရန်သာ ပြောဆိုခဲ့ကြောင်း သိရသည်။
ထို့နောက် ဆက်လက်ပြီး ၂၃ နှစ်အရွယ် အမျိုးသမီးက သူမ၏ဖုန်းအား စစ်ဆေးပေးရန်ပြသရာ ဆိုင်ဝန်ထမ်းက ဖုန်းအားကြည့်ပေးနေစဉ် ဓားဖြင့်လှမ်းထိုးခဲ့ခြင်းဖြစ်ကြောင်း သိရသည်။ ဓားဖြင့်လုယက်မှုကျုးလွန်ရန်ကြံစည်သူ အဆိုပါအမျိုးသမီးကို ဖမ်းဆီးရမိထားပြီး စစ်ဆေးနေကြောင်း စုံစမ်းသိရသည်။
