မန်ယူအသင်းသည် တိုက်စစ်မှူးဟောင်း ၀ိန်းရွန်နီကို သံတမန်ရာထူးမှ ဖယ်ရှားရန် စီစဉ်နေကြောင်း သိရသည်။
ဆာဂျင်ရက်ကလစ်ဖ် ဦးဆောင်သည့် Ineos အဖွဲ့သည် နည်းပြဟောင်း ဖာဂူဆန်ကို ပြီးခဲ့သည့်လအတွင်း သံတမန်ရာထူးမှ ဖယ်ရှားရန် ဆုံးဖြတ်ခဲ့ပြီးနောက် ယခုအခါ ရွန်နီကိုလည်း ထပ်မံဖယ်ရှားရန် စီစဉ်နေခြင်းဖြစ်ကြောင်း သိရသည်။
ဆာဂျင်ရက်ကလစ်ဖ်သည် ကုန်ကျစရိတ်လျော့ကျရန် လုပ်ဆောင်နေခြင်းဖြစ်ကြောင်း သိရသည်။
ဆာဂျင်ရက်ကလစ်ဖ်နှင့် Ineos အဖွဲ့သည် မန်ယူအသင်း၏ ရှယ်ယာ (၂၅) ရာခိုင်နှုန်းကို စတင်ဝယ်ယူပြီးကတည်းက အပြောင်းအလဲ တောက်လျှောက် ပြုလုပ်နေပြီး အသင်းဝန်ထမ်းများကိုလည်း ရာချီပြီး ရာထူးမှထုတ်ပယ်ခဲ့ကြောင်း သိရသည်။
မန်ယူဂန္ထဝင်နည်းပြ ဖာဂူဆန်ကို သံတမန်ရာထူးမှ ဖယ်ရှားနှင့် အသင်းဝန်ထမ်းများကို ရာထူးမှထုတ်ပယ်ခြင်းတို့ကြောင့် ဆာဂျင်ရက်ကလစ်ဖ်နှင့် Ineos အဖွဲ့မှာ ဝေဖန်မှုများနှင့် ရင်ဆိုင်နေရကြောင်း သိရသည်။
