အက်စတွန်ဗီလာနည်းပြ အမ်မရီက ဘိုလော့ဂ်နာနှင့်ပွဲတွင် လူစားလဲခံရသဖြင့် ဒေါသပေါက်ကွဲခဲ့သည့် အသင်းလူငယ်တိုက်စစ်မှူး ဒူရန်နှင့် ပြဿနာ မရှိကြောင်း ပြောကြားခဲ့သည်။

အောက်တိုဘာ(၂၂) ရက်က ကစားခဲ့သည့် ချန်ပီယံလိဂ်ပွဲစဉ် အက်စတွန်ဗီလာ (၂-၀) ဘိုလော့ဂ်နာပွဲ၌ အမ်မရီသည် ပွဲချိန် (၆၄)မိနစ်တွင် ဒုတိယဂိုးသွင်းယူပေးခဲ့သည့် ဒူူရန်ကို ချက်ချင်းပင် ဝက်ကင်စ် နှင့်လူစားလဲခဲ့သည်။

ဒူရန်သည် လူစားလဲခဲ့ရသည့်အတွက် စိတ်ပျက်ခဲ့ပြီး အရန်ထိုင်ခုံကို လက်သီးဖြင့် ထိုးခဲ့သည်။

သို့သော် အမ်မရီက ဒူရန်၏အပြုအမူအတွက် ပြဿာနာမရှိကြောင်းနှင့် အားလုံးမှာ ၎င်း၏ထိန်းချုပ်မှုအောက်တွင်ရှိကြောင်း ပြောကြားခဲ့သည်။ 

ကိုလံဘီယာတိုက်စစ်မှူး ဒူရန်(၂၀ နှစ်)သည် အက်စတွန်ဗီလာအသင်းအတွက် ခြေစွမ်းပြနေသည့်အတွက် ပရီးမီးယားလိဂ်ထိပ်သီးအသင်းအချို့က ခေါ်ယူရန် စိတ်ဝင်စားနေကြောင်း သတင်းထွက်နေသည်။