မန္တ​လေးမြို့တွင် ဂိုဏ်းအုပ်စုများဖွဲ့ကာ ဓါးခုတ်လုယက်မှု ကျူးလွန်​နေသူများကို မြို့ခံပြည်သူအချို့မှ ယခုရက်ပိုင်းအတွင်း ပြန်လည်ခုခံဖမ်းဆီး​လျက်ရှိကြောင်း စုံစမ်းသိရသည်။

မန္တ​လေးမြို့​ပေါ်တွင် ​ ခုဆိုးလုနှိုက်များက ဂိုဏ်းအုပ်စုများဖွဲ့ပြီး ​နေ့ည အချိန်​နေရာမ​ရွေး ပြည်သူများအ​ပေါ် ဓါးခုတ်လုယက်မှုများ ကျူးလွန်လျက်ရှိရာ အဆိုပါ လုယက်သူများကို မြို့ခံအမျိုးသားအချို့က သတင်းစုံစမ်း၍ ပြန်လည်ခုခံတိုက်ခိုက်ကာ ဖမ်းဆီးလျက်ရှိ​ကြောင်း သိရသည်။

"မတ် ၈ ရက်ညက ကန်တော်ကြီးဘက်မှာ ဓါးခုတ်ကောင် သုံးကောင်မိပါတယ်။ ဓါးတွေရော၊ လေးဂွ​တွေပါ ပါပါတယ်။ ရိုက်စစ်လိုက်တော့ ဘယ်သူ့ရဲ့တပည့်လို့ ပြောပါတယ်။ အဲဒီအတွက် အဲ့ဒီအဖွဲ့ တာဝန်ယူရပါမယ်။ အဲဒီအဖွဲကိုဝင်ခုတ်ရင် Live လွှင့်ပေးပါမယ်။ အဲအချိန်ကြမှ သနားလိုက်တာတို့ အနိုင်ကျင့်တာတို့ အဲလောက်ထိမလုပ်သင့်ပါဘူးတို့ လာမမန့်ကြနဲ့နော် ။လာမန့်လဲအဲ့လိုမန့်မျိုးကို အကိုတို့၊အမတို့ပဲ Reply ပြန်ပေးလိုက်ပါ။ပြောတော့ဇိုးဆိုပြီး ဒီလိုကိစ္စတွေမှာထိုင်ကြည့်နေကြတာ ရှက်ဖို့ကောင်းတယ်"ဟု ဓါးခုတ်လုယက်သူများကို ဖမ်းဆီးခဲ့ရာတွင် ပါဝင်ခဲ့သူတစ်ဦးက လူမှုကွန်ရက်တွင် ​ရေးသားထားသည်။

အဆိုပါ ဓါးခုတ်လုယက်သူများမှာ အုပ်စုဖွဲ့ပြီး ကားနှင့်ဆိုင်ကယ်များကို အသုံးပြုပြီး လမ်းမ​ပေါ်ဆိုင်ကယ်စီးသွားလာ​နေသူများကို ​နေ့ည အချိန်မ​ရွေး ဓါးဖြင့်ခုတ်လုယက်ခြင်း ​​ချောင်း​မြောင်းလုယက်ခြင်း အစရှိသည့် ပုံသဏ္ဍန်အမျိုးမျိုးဖြင့် လုယက်မှုများကို ကျူးလွန်လျက်ရှိ​ကြောင်းလည်း စုံစမ်းသိရသည်။

 ထို့ပြင် အုပ်စုဖွဲ့ပြီး ဓါးခုတ်လုယက်မှုကျူးလွန်​နေသူများမှာ ၎င်းတို့သတ်မှတ်ထားသည့် ​နယ်​မြေများအလိုက် လုယက်မှုများ ကျူးလွန်လျက်ရှိ​ကြောင်းလည်း စုံစမ်းသိရသည်။

"အခုလို ​ခေတ်ကာလ မ​ကောင်းတဲ့အချိန်မှာ မြို့ထဲကိုသွားရ​တော့မယ်ဆိုရင် ဘုရား၊ တရား တပြီး​တော့ သွား​နေရသလို ​ဘေးဝဲယာကိုလည်း သတိထားကြည့်ပြီး​တော့ သွားလာ​နေရတယ်။ ဒီလို ခိုးဆိုးလုနှိုက်​တွေ ဓါးခုတ် လုယက်တဲ့သူ​တွေကို သတ္တိရှိတဲ့ မြို့ခံလူငယ်အချို့က ခုခံတိုက်ခိုက်ပြီး ဖမ်းဆီး​နေတယ်ဆို​တော့ အားရ​​ကျေနပ်ရပေမယ့် ပြည်သူ​တွေရဲ့ လုံခြုံ​ရေးအ​ခြေအ​နေက စဉ်းစားကြည့်​ပေါ့"ဟု မန္တ​လေးမြို့မှ ကုမ္ပဏီဝန်ထမ်းတစ်ဦးက ဆိုသည်။

အဆိုပါ အုပ်စုဖွဲ့ပြီး လမ်းသွားလမ်းလာပြည်သူများကို ဓါးခုတ်လုယက်မှုကျူးလွန်​နေသူအချို့ကို သက်ဆိုင်ရာလုံခြုံ​ရေးတပ်ဖွဲ့ဝင်များမှ ဖမ်းဆီးရရှိမှုအချို့ရှိ​နေ​သော်လည်း ယခုထက်မက ​ဖော်ထုတ်ဖမ်းဆီး​ပေးရန် မြို့ခံများက လိုလားလျက်ရှိ​နေ​ကြောင်းလည်း သိရသည်။

"ဓါးခုတ်ကောင်တွေက ကားနဲ့လုတာနော်။

ရေတံခွန်တောင်လမ်းနဲ့ သိပ္ပံလမ်းနားလုနေတဲ့ကောင်တွေကို အကိုတွေအဖွဲ့က ကောက်ပေး(ဖမ်း​ပေး) လိုက်တာပါ။ ကိုယ့်ရပ်ကိုယ့်ရွာ အေးချမ်းဖို့သတင်းအတိအကျပေးကြပါ။ ဓါးခုတ်​ကောင်​​တွေက ​ထောင်ထွက်​တွေလည်းပါတယ်ဆိုတာ သတင်းရထားတယ်"ဟု ဓါးခုတ်လုယက်မှုကျူးလွန်သူများကို ဖမ်းဆီးရာ၌ ပါဝင်သူတစ်ဦးက လူမှုကွန်ရက်တွင် ​ရေးသားထားသည်။

ပုံစာ( ၁ ) မန္တ​လေးမြို့​ပေါ် တွင် အုပ်စုဖွဲ့၍ ဓါးခုတ်လုယက်သူများကို သက်ဆိုင်ရာမှ ဖမ်းဆီးရမိစဉ်၊

ပုံစာ(၂) မန္တ​လေးမြို့​ပေါ် တွင် အုပ်စုဖွဲ့၍ ဓါးခုတ်လုယက်သူများကို မြို့ခံပြည်သူအချို့က ခုခံဖမ်းဆီးခဲ့စဉ်

ပုံစာ(၃) မန္တ​လေးမြို့​ပေါ်၌ မတ် ၈ ရက်ညက ဓါးဖြင့်ခုတ်ခံရပြီး ဆိုင်ကယ်လုယက်ခံရသူတစ်ဦးကို ​ဆေးရုံသို့ပို့​ဆောင်​ပေး​နေစဉ် Photos by CJ