Allure Korea မဂ္ဂဇင်းနှင့်အင်တာဗျူးတွင် The Glory သရုပ်ဆောင် Kim Hieora က ၎င်းအသက် ၂၀ ကျော်အရွယ်က ဗေဒင်သွားမေးခဲ့ရာ အသက် ၃၀ ရောက်သည့်အခါ အနုပညာနယ်ပယ်တွင် နာမည်ရလာမည်ဟု ဟောခဲ့ပြီး ဟောချက်မှန်ခဲ့သည်ဟုဆိုသည်။

မည်သည့်ဇာတ်ရုပ်ကို သရုပ်ဆောင်ခွင့်အရချင်ဆုံးလဲဟု မေးမြန်းရာ အခွင့်အရေးသာရမည်ဆိုပါက ရှေးခေတ်ဇာတ်လမ်းတွဲတစ်ခုတွင် ခေါင်းဆောင်မင်းသမီးအဖြစ် ရိုက်ကူးခွင့်ရချင်သည်ဟု Kim Hieora ကဖြေသည်။

မတ်လတွင်ပြသမည့် The Glory ဇာတ်လမ်းတွဲ Part 2 အတွက် အစွမ်းကုန်ကြိုးစား ထားပြီး စိတ်လှုပ်ရှားစရာအတွေ့အကြုံဟုလည်း ၎င်းကပြောသည်။ Kim ကို နာမည်ကျော်ရှေ့နေဇာတ်လမ်းတွဲ Extraordinary Attorney Woo နှင့် Bad Prosecutor တို့တွင် ပရိသတ်သတိထားမိပြီး ဖြစ်လိမ့်မည်။ The Glory ဇာတ်ညွှန်းရသည့်နေ့ကပျော်လွန်းသဖြင့် ငိုခဲ့သည်ဟုလည်း ၎င်းကပြောသည်။