ကလော့ပ်က "လူတွေက လီဗာပူးလ်နဲ့စာချုပ်သက်တမ်းကုန်ရင် ဘာလုပ်မလဲကို ကျွန်တော့်ကို မေးလေ့ရှိတယ်။ လီဗာပူးလ်က ထွက်ဖြစ်ရင် ချက်ချင်း တခြားအလုပ်ကို လက်ခံမှာမဟုတ်ပါဘူး။ ဒါက သေချာပါတယ်။ လီဗာပူးလ်နဲ့လမ်းခွဲပြီး တစ်နှစ်လောက် ကျွန်တော် အနားယူမှာပါ"ဟု ပြောကြားခဲ့သည်။
လီဗာပူးလ်နည်းပြ ယာဂန်ကလော့ပ်က အသင်းနှင့်လမ်းခွဲပြီးပါက မိမိအနေဖြင့် အခြားအသင်းတစ်သင်းသင်းကို ချက်ချင်း ကိုင်တွယ်မည်မဟုတ်ဘဲ တစ်နှစ်ခန့်အနားယူမည်ဖြစ်ကြောင်း ပြောကြားခဲ့သည်။
အသက် (၅၃)နှစ်အရွယ်ရှိ ဂျာမန်လူမျိုးနည်းပြ ယာဂန်ကလော့ပ်သည် ၂၀၁၅ ခုနှစ်တွင် လီဗာပူးလ်အသင်းကို စတင်ကိုင်တွယ်ခဲ့ပြီး အသင်းနှင့် ၂၀၂၄ ခုနှစ်အထိ စာချုပ်သက်တမ်းရှိနေသူဖြစ်သည်။
လီရွိုင်းမာတာတာနှင့် ပြုလုပ်ခဲ့သည့် YouTube အင်တာဗျူးတွင် ကလော့ပ်က "လူတွေက လီဗာပူးလ်နဲ့စာချုပ်သက်တမ်းကုန်ရင် ဘာလုပ်မလဲကို ကျွန်တော့်ကို မေးလေ့ရှိတယ်။ နောက်နှစ်မှာ စာချုပ်သက်တမ်းကုန်မယ့် ဂွါဒီယိုလာကိုတော့ ဒီလိုမေးတယ်မကြားပါဘူး။ ကျွန်တော့်ရဲ့စာချုပ်က (၄) နှစ်ကျန်ပါသေးတယ်။ အဲဒီကာလအတွင်း အများကြီးဖြစ်ပျက်နိုင်ပါတယ်။ အဲဒီကာလအတွင်းမှာ အသင်းနဲ့ စာချုပ်သက်တမ်းတိုး၊ မတိုး ကျွန်တော် စဉ်းစားမယ်။ မတိုးဖြစ်ဘူးဆိုရင် ကျွန်တော် အပန်းဖြေခရီးထွက်မယ်။ လီဗာပူးလ်က ထွက်ဖြစ်ရင် ချက်ချင်း တခြားအလုပ်ကို လက်ခံမှာမဟုတ်ပါဘူး။ ဒါက သေချာပါတယ်။ လီဗာပူးလ်နဲ့လမ်းခွဲပြီး တစ်နှစ်လောက် ကျွန်တော် အနားယူမှာပါ"ဟု ပြောကြားခဲ့သည်။
