ချယ်လ်ဆီးအသင်းနည်းပြ လမ်းပတ်က မိမိသည် လက်စတာအသင်းနည်းပြ ဘရန်ဒန်ရော်ဂျာထံမှ နည်းပြပညာရပ်များကို လေ့လာသင်ယူမှုများ ရှိခဲ့သည်ဟု ချယ်လ်ဆီး - လက်စတာပွဲမတိုင်မီ ပြောကြားခဲ့သည်။ 

လမ်းပတ် ချယ်လ်ဆီးကစားသမားဘဝ၌ ရှိစဉ် ဘရန်ဒန်ရော်ဂျာသည် ချယ်လ်ဆီးလူငယ်အသင်းတွင် နည်းပြအဖြစ် ဆောင်ရွက်ခဲ့ဖူးသည်။ 

ထို့ပြင် ဘရန်ဒန်ရော်ဂျာသည် ရက်ဒင်းအသင်းအား ကိုင်တွယ်စဉ် လမ်းပတ်၏ဖခင်ဖြစ်သူ ဖရန့်စီနီယာလမ်းပတ်ကို သူ၏နည်းပြအဖွဲ့၌ ပါဝင်ရန် ခေါ်ဆောင်ခဲ့ပြီး ထိုစဉ်ကတည်းက မိမိတို့ နှစ်ဦးအကြား ဆက်သွယ်မှုများစွာရှိခဲ့သည်ဟု လမ်းပတ်က ပြောကြားခဲ့သည်။