လရောင်အောက်က ကုမုဒြာသီချင်းနှင့်ပတ်သက်၍ ​လူမှုကွန်ရက်တွင် ​​ဝေဖန်ရေးသားထားသည့်ပို့စ်တွင် ကွန်မန့်ထပ်ဆင့်​ရေးခဲ့​သော တောင်ကြီးမြို့မှ အမျိုးသမီးတစ်ဦးအား ပုဒ်မ ၅၀၅-က ဖြင့် အမှုဖွင့်ဖမ်းဆီးခဲ့ကြောင်း ရဲတပ်ဖွဲ့ထံမှ သိရသည်။

နိုင်ငံတော်အစိုးရအား အကြည်ညိုပျက်စေသည့် Post များလွှင့်တင်နေသော "ကေသီ ဘေဘီတော်လောက်ပြီ” Facebook page ​တွင် အဆို​တော်​မေသက်ထား​ဆွေ သီဆိုထားသည့် လရောင်အောက်က ကုမုဒြာသီချင်းနှင့်ပတ်သက်၍ “ဆိုရတာ ပါးစပ်ဝမှာ အရှက်ရှိ မရှိတော့မသိဘူး၊ ကြားရတာ နားဝမှာတော့ ရှက်စဖွယ် စကားလုံးတွေပဲ၊ ဒါကြောင့် ကျွန်တွေမှာ အာဏာပါဝါမရှိဘူး၊ သူတို့ကို ခိုင်းတဲ့အတိုင်း လုပ်ပေးရတာ...” အစရှိသဖြင့် ​ဝေဖန်​ရေးသားဖော်ပြခဲ့ရာ ယင်း Post ၏အောက်တွင် Nang Akari အမည် Facebook Account ပိုင်ရှင် တောင်ကြီးမြို့နေသူ ဧကရီကျော်(ခ) နန်းဧကရီကျော်သည် “ ထဘီတရွတ်တိုက် ဝတ်လည်း ရွံ့တယ်နော်”ဟု Comment အား ဝင်ရောက်ရေးသားခဲ့ကြောင်းသိရှိရသည်။

ထို့​ကြောင့် နိုင်ငံတော်အစိုးရအား အကြည်ညို ပျက်စေသည့် Post၏ အောက်တွင် Comment ဝင်ရေးသူ Nang Akari အမည် Facebook Account ပိုင်ရှင် တောင်ကြီးမြို့နေသူ ဧကရီကျော်(ခ) နန်းဧကရီကျော် အား တောင်ကြီးမြို့နယ်မြေခံရဲစခန်းမှ နိုင်ငံတော်အ စိုးရအား အကြည်ညိုပျက်စေရန် လှုံ့ဆော်သဖြင့် (ပုဒ်မ ၅၀၅-က)ဖြင့် အမှုဖွင့်အရေးယူ ဆောင်ရွက်ထားကြောင်း သိရသည် ။