Spider-Man သရုပ်ဆောင် တွမ်ဟော်လန်အတွက် Avengers ရုပ်ရှင်အပိုဆုကြေးသည် ၎င်းထံ ရောက်ရှိလာခဲ့သည်ဟု The White Lotus သရုပ်ဆောင် တွမ်ဟော်လန်ဒါက ထုတ်ဖော်ပြောကြားခဲ့သည်။
“ကျွန်တော်တို့နှစ်ယောက်လုံးက အေးဂျင့်တစ်ခုတည်းအောက်မှာ ရှိတဲ့အတွက် ငွေစာရင်းဌာနက လူတွေက ဇဝေဇဝါ ဖြစ်သွားခဲ့ပါတယ်”ဟု ဟော်လန်ဒါက Late Night အစီအစဉ်တင်ဆက်သူ ဆက်သ်မေရာ ကို ပြောကြားခဲ့သည်။
“ဒါက အရမ်းခက်ခဲပါတယ်။ ဘာလို့လဲဆိုတော့ ခင်ဗျားတို့သိတဲ့အတိုင်း ကျွန်တော်က ဒီကိုပထမဆုံး ရောက်လာတာဖြစ်ပေမယ့် သူ(တွမ်ဟော်လန်)ကတော့ နာမည်ကြီးတစ်ယောက်ပါ”ဟု ဟော်လန်ဒါက အ ရွှန်းဖောက် ပြောကြားခဲ့သည်။
သူသည် မတော်တဆရရှိလာသည့် ပေးငွေနှင့်ပတ်သက်၍ ရှင်းလင်းပြောပြရာ၌ ဟောလန်ဒါက သူသည် ဝင်ကြေးပေါင် ၃၀၀ ပေးရသည့် ပြဇာတ်ထဲတွင် သူငယ်ချင်းတစ်ဦး ဖျော်ဖြေမှုကို လာရောက် ကြည့်ရှုခဲ့သည်ဟု ဆိုသည်။
ပထမပိုင်းပြီးသွားချိန်တွင်သူသည် email များကို စစ်ဆေးခဲ့ရာ၌ “ Box office bonus for The Avengers
” ဟူသည့် ခေါင်းစဉ်ဖြင့် ပေးငွေတစ်ခုကို မြင်တွေ့ခဲ့သည်။
“ဒါက အလွန်အံ့အားသင့်စေတဲ့ ငွေပမာဏတစ်ခုပါ။ ဒါက ကျွန်တော့်လစာ မဟုတ်ပါဘူး။ ဒါက ကျွန် တော့်ရဲ့ ပထမဆုံး box office အပိုဆုကြေး မဟုတ်ပါဘူး။ ဒါက ကျွန်တော်မြင်ဖူးသမျှတွေထက် ပိုများတဲ့ ငွေပမာဏပါ။ စုစုပေါင်းဂဏန်းခုနစ်လုံးရှိပါတယ်”ဟုအသက် ၅၆ နှစ်အရွယ် ဟော်လန်ဒါက ပြောကြားခဲ့သည်။
Euphoria သရုပ်ဆောင်ဇန်ဒါရာနှင့် တွဲနေသည့် ဟော်လန်သည် Marvel Cinematic Universe ရုပ်ရှင်ခြောက်ကားတွင် Spider-Man အဖြစ် သရုပ်ဆောင်ခဲ့သည်။
“အသုံးအဆောင်ပစ္စည်းရောင်းချတဲ့ ကုမ္ပဏီတွေ ဒါမှမဟုတ် အရမ်းစိတ်လှုပ်ရှားနေတဲ့ တစ်စုံတစ်ယောက်နဲ့ မိတ်ဆက်တဲ့အခါ ဇဝေဇဝါ ဖြစ်သွားကြပြီးနောက် ကလေးတွေကလည်း တွမ်ဟော်လန် မဟုတ်တဲ့အတွက် စိတ်ပျက်သွားကြပါတယ်”၎င်းက ပြောပြခဲ့သည်။
အလားတူ နာမည်တူများကြောင့် ဇဝေဇဝါ ဖြစ်ခဲ့ကြပြီး ရောထွေးမှားယွင်းမှု ကြုံတွေ့ခဲ့သည့် ဖြစ် စဉ်များလည်း ရှိခဲ့ဖူးသည်။
၂၀၂၂ ခုနှစ် နိုဝင်ဘာလက ရူပဗေဒပညာရှင် ဘရိုင်ယန်ကော့ဇ်နှင့် သရုပ်ဆောင်ဘရိုင်ယန်ကော့ဇ်တို့က ၎င်းတို့၏ နာမည်များတူနေသောကြောင့် ဇဝေဇဝါဖြစ်သွားစေခဲ့သည့် အတွေ့အကြုံများကို ဘီဘီစီ သတင်းအား ပြောပြခဲ့ဖူးသည်။
ရူပဗေဒပညာရှင်ဘရိုင်ယန်ကော့ဇ်က သူသည်ဟိုတယ်တစ်ခုတွင် တည်းခိုရာ၌ မတူညီသောအ မည်တစ်ခု အသုံးပြုခဲ့ရသည်အထိ ဖြစ်ခဲ့ဖူးသည်ဟု ဆိုသည်။“ဟိုတယ်ဝန်ထမ်းက သူတို့ရဲ့စနစ်မှာ နာမည်တူတွေကို သီးခြားဘိုကင်တင်ဖို့ လုပ်ဆောင်နိုင်ခြင်း မရှိတဲ့အကြောင်း ကျွန်တော့်ကို ပြောပါတယ်”ဟု ၎င်းကဆိုသည်။
