အာဖရိကဘောလုံးရပ်ဝန်းရဲ့ လက်ရွေးစင်အဆင့်မှာ ဂုဏ်သိက္ခာအကြီးမားဆုံးနဲ့ အခမ်းနားဆုံးသော ပြိုင်ပွဲကြီးဖြစ်တဲ့ အာဖရိကနိုင်ငံများဖလားပြိုင်ပွဲကို ဇန်နဝါရီ (၁၃) ရက်နေ့ကနေ ဖေဖော်ဝါရီ (၁၁) ရက်နေ့အထိ အိုင်ဗရီကို့စ်နိုင်ငံက အိမ်ရှင်အဖြစ်လက်ခံကျင်းပသွားမှာဖြစ်ပါတယ်။ ၂၀၂၃ အာဖရိကနိုင်ငံများဖလားအမည်နဲ့ ကျင်းပတဲ့ဒီပြိုင်ပွဲမှာ အသင်းပေါင်း (၂၄) သင်းပါဝင်ယှဉ် ပြိုင်သွားမှာဖြစ်ပြီး အိုင်ဗရီကို့စ်နိုင်ငံအတွက် ၁၉၈၄ ပြိုင်ပွဲနောက်ပိုင်း နှစ်ပေါင်း (၄၀)အကြာမှာမှ အိမ်ရှင်အဖြစ် ဒုတိယအကြိမ်မြောက် ကျင်းပခွင့်ရခြင်းဖြစ်ခဲ့ပါတယ်။