ဗြိတိန်ဆယ်လီတစ်ဦးနှင့် လမ်းခွဲပြတ်စဲထားသည့် တေလာဆွစ်က နောက်ထပ်ဗြိတိန် ဆယ်လီတစ်ဦးနှင့်ပင် သတင်းများထွက်လာပြန်သည်။ တေလာသည် ဗြိတိန်သရုပ်ဆောင် ဂျိုးအယ်လ်ဝင်နှင့် လမ်းခွဲထားပြီး လက်ရှိတွင် ဗြိတိန်ပေါ့ပ်၊ ရော့ခ်ဂီတအဖွဲ့ The 1975 မှ ခေါင်းဆောင်မက်တီဟီလီနှင့် တွဲနေသည်။

၎င်းင်းတို့နှစ်ဦး တွဲခုတ်နေသည်မှာ နှစ်လပင်မရှိသေးသော်လည်း သတင်းရင်းမြစ်အချို့က ၎င်းင်းတို့အတော်လေးနီးစပ်နေကြပြီဟုnThe Sun သို့ပြောသည်။ သတင်းပေးတစ်ဦး အဆိုအရ ၎င်းတို့နှစ်ဦး လွန်ခဲ့သည့် ၁၀ နှစ်ခန့်ကတည်းက ဒိတ်ခဲ့ကြသေးသည်။

ဆွစ်နှင့် အယ်လ်ဝင်တို့ပြတ်သွားသည့် သတင်းက ပြီးခဲ့သည့်လကမှ ထွက်လာသော်လည်း တစ်ကယ်က ဖေဖော်ဝါရီကတည်းက ပြတ်သွားပြီဟု အတွင်းလူတစ်ဦးကဆိုသည်။ ယခုအချစ်သစ်နှင့်ဆက်ဆံရေးက မကြာမီ နက်ရှ်ဗီးလ်မြို့တွင်ကျင်းပမည့် တေလာဆွစ်၏ Era's Tour ဖျော်ဖြေပွဲတွင် ပရိသတ်ကို ချပြဖွယ်ရှိသည်။

အယ်လ်ဝင်နှင့်ပတ်သက်မှုက အတော် လျှို့ဝှက်ခဲ့သော်လည်း မက်တီနှင့်ပတ်သက်မှုကိုမူ နှစ်ဦးစလုံးက ဖုံးကွယ်မထားချင်ဟု သတင်းရင်းမြစ်များကပြောသည်။ အမည် ထုတ်မပြောလိုသည့် အနုပညာရှင်တစ်ဦး အဆိုအရ တေလာကို သီချင်းများရေးပေးသည့် တေးရေးတေးဆို ဂျက်အန်တနော့ဖ်၏ အောင်သွယ်မှုဖြင့် ၎င်းတို့နီးစပ်သွားခြင်းဖြစ်သည်။

မက်တီနှင့်သတင်းမထွက်မီ တေလာဆွစ်သည် ဖော်မြူလာဝမ်း ပြိုင်ကားမောင်းသူ ဖာနန်ဒိုအလန်ဆိုနှင့် တွေ့နေသည်ဆိုသည့် သတင်းများ ထွက်လိုက်သေးသည်။

အယ်လ်ဝင်နှင့်ပြတ်ပြီး ပထမဆုံးဖျော်ဖြေသည့် ဧပြီ ၁၅ ရက်က ဖလော်ရီဒါရှိုးပွဲတွင် တေလာက “You OK” ဆိုသည့်စာတန်း ကိုင်ထားသည့် ပရိသတ်တစ်ဦးကို တွေ့ပြီး လက်မပြန်ထောင်ပြခဲ့သည်။ ထိုအချိန် တေလာက Delicate ဆိုသည့်သီချင်းကို သီဆိုနေချိန်ဖြစ်သည်။ ၎င်း၏တုံ့ပြန်မှုက စိတ်ပူနေသည့် ပရိသတ်များကို စိတ်သက်သာရာရစေခဲ့သည်။

အချစ်သီချင်းကောင်းများစွာ ရေးစပ်သီဆိုခဲ့သူ တေလာဆွစ်သည် ဂျိုးဂျိုးနက်စ် ၊ ဂျွန်မေယာ၊ ဟယ်ရီစတိုင် ၊ ကယ်လ်ဗင်ဟားရစ်၊ တွမ်ဟစ်ဒယ်စတင်တို့နှင့်လည်း ဇာတ်လမ်းရှိခဲ့သည်။