လီဗာပူးလ်ကို (၃)ဂိုးပြတ်နိုင်ခဲ့တဲ့ပွဲက ဘရိုက်တန်လူစာရင်းရဲ့တန်ဖိုးဟာ ပေါင်သန်း (၅၀)ပဲ ရှိခဲ့တယ်။ ဒါဝင်နူးနက်ဇ်တစ်ယောက်တည်းအတွက် လီဗာပူးလ်သုံးစွဲခဲ့တဲ့ ပေါင် (၈၅)သန်းနဲ့ နှိုင်းယှဉ်ကြည့်ရင် ဒါက အတော်လေး ထင်သာမြင်သာ ရှိခဲ့တယ်။ လက်ရှိ ဘရိုက်တန်မှာ အဓိကထောက်တိုင်ကစားသမားတွေလို့ ဆိုနိုင်တဲ့ ဂျပန်တောင်ပံ ကစားသမား မီတိုမာ၊ ကမ္ဘာ့ဖလားချန်ပီယံ အာဂျင်တီးနားအသင်းသား မက်အယ်လစ္စတာနဲ့ တောင်ပံကစားသမား ဆိုလီမက်ရှ်တို့ (၃)ဦးပေါင်းတန်ဖိုးက ပေါင် (၁၀)သန်းတောင် မပြည့်ဘူး။ ဈေးကွက်တန်ဖိုးကို ဆိုလိုတာမဟုတ်ဘဲ သူတို့ကို ဘရိုက်တန်ခေါ်ယူခဲ့စဉ်က သုံးစွဲခဲ့ရတဲ့ငွေကြေးကို ရည်ရွယ်တာပါ။