အောက်တိုဘာ ၇ ရက် ည ၈ နာရီမှ အောက်တိုဘာ ၈ ရက် ည ၈ နာရီထိ COVID-19 ဓာတ်ခွဲလူနာ ၁၈၇၆၂ ဦးအား စစ်ဆေးပြီးစီးရာ ပိုးတွေ့လူနာသစ် ၁၄၆၆ ဦးအား တွေ့ရှိရကြောင်း ကျန်းမာရေးဝန်ကြီးဌာန၏ ထုတ်ပြန်ချက်အရ သိရသည်။
မြန်မာနိုင်ငံတွင် COVID-19 ပိုး စတင်တွေ့ရှိချိန်မှ အောက်တိုဘာ ၈ ရက်ထိ ဓာတ်ခွဲနမူနာ ၄၄၆၉၁၉၄ ခုကို စစ်ဆေးခဲ့ရာ COVID-19 ဓာတ်ခွဲအတည်ပြုလူနာ ၄၇၅၈၈၅ ဦး ရှိပြီဖြစ်ကြောင်း သတင်းထုတ်ပြန်ချက်အရ သိရသည်။
ထို့ပြင် အောက်တိုဘာ ၈ ရက်တွင် ဆေးရုံမှ ဆင်းခွင့်ရရှိသူ ၁၂၃၉ ဦး ရှိခြင်းကြောင့် စုစုပေါင်း ၄၂၉၁၈၀ ဦး ဆေးရုံမှဆင်းခွင့်ရရှိ ပြီဖြစ်ကာ COVID-19 ရောဂါဖြင့် ထပ်မံသေဆုံးသူ ၃၄ ဦးရှိသောကြောင့် သေဆုံးသူ စုစုပေါင်း ၁၈၀၆၈ ဦး ရှိပြီဖြစ်ကြောင်း သတင်း ထုတ်ပြန်ချက်အရ သိရသည်။
အောက်တိုဘာ ၈ ရက်တွင် ကျန်းမာရေး ဝန်ကြီးဌာန ဓာတ်ခွဲခန်းများမှ ပိုးတွေ့လူနာသစ် ၁၉၆ ဦး၊ နေပြည်တော်ကောင်စီ တိုင်းဒေသကြီးနှင့် ပြည်နယ်များရှိဆေးရုံများတွင် Gen Xpert စက်များဖြင့် ဓာတ်ခွဲစမ်းသပ်မှုအခြေအနေအရ ပိုးတွေ့လူနာသစ် ၅ ဦး၊ ရန်ကုန်မြို့ အမှတ် ၁ တပ်မတော် ဆေးရုံကြီး ခုတင် ၁၀၀၀ မှ ပိုး တွေ့လူနာသစ် ၁ ဦး၊နေပြည်တော် အမှတ် ၂ တပ်မတော်ဆေးရုံကြီး ခုတင် ၁၀၀၀ မှ ပိုး တွေ့ လူနာသစ် ၅ ဦး၊ စစ်တွေမြို့ အမှတ် ၁၇ တပ်မတော်ဆေးရုံကြီး ခုတင် ၁၀၀ မှ ပိုးတွေ့လူနာသစ် ၂ ဦး၊ လားရှိုးမြို့ အမှတ် ၉ တပ်မတော်ဆေးရုံကြီး ခုတင် ၁၀၀ မှ ပိုး တွေ့ လူနာသစ် ၄ ဦး၊ပုဂ္ဂလိကဆေးရုံနှင့် ဓာတ်ခွဲခန်းများတွင် ပိုးတွေ့လူနာသစ် ၆ ဦး၊ နေပြည်တော်ကောင်စီ တိုင်းဒေသကြီးနှင့် ပြည်နယ်များရှိဆေးရုံများတွင် COVID-19 Rapid Antigen Diagnostic Test ဖြင့် စစ်ဆေးမှုအခြေအနေအရ ပိုးတွေ့လူနာသစ် ၈၆ ဦး၊နေပြည်တော်ကောင်စီ တိုင်းဒေသကြီးနှင့် ပြည်နယ် ပြည်သူ့ကျန်းမာရေး ဦးစီးဌာနများတွင် COVID-19 Rapid Antigen Diagnostic Test ဖြင့် စစ်ဆေးမှုအခြေအနေအရ ပိုးတွေ့လူနာသစ် ၁၁၆၁ ဦး တို့ဖြစ်ကြောင်း သတင်းထုတ်ပြန်ချက်အရ သိရသည်။
