ဘာစီလိုနာဟာ ဒီတစ်ပတ်လာလီဂါပွဲစဉ် (၈)မှာ အက်သလက်တီကိုနဲ့ ရင်ဆိုင်ရမှာကစလို့ ဗလင်စီယာ၊ ရီးယဲလ်မက်ဒရစ်တို့လို ပြိုင်ဘက် ကောင်းတွေနဲ့ ဆက်တိုက်ကစားရဖို့ရှိနေတယ်။ ကစားပြီးတဲ့(၆)ပွဲမှာ ပြိုင်ဘက်ကောင်းတွေမပါဘဲ အမှတ်လျော့တာများခဲ့လို့၊ အခုတကယ့်ပြိုင်ဘက်အသင်းတွေနဲ့အတွေ့မှာသာ အမှတ်ထပ်လျော့ရင် ဘာစီလိုနာအတွက် ချန်ပီယံမျှော်လင့်ချက်  မှေးမှိန်သွားနိုင်တယ်ဆိုတာထက် ပိုပြီးဖိအားများလာနိုင်တဲ့အခြေအနေတွေ ကြုံတွေ့သွားနိုင်ပါတယ်။ ဒီပွဲကျပ်ကာလအတွင်းမှာပဲ ဒိုင်နမိုကိဗ်နဲ့ ချန်ပီယံလိဂ်အုပ်စုပွဲစဉ် ကစားရဖို့ရှိနေလို့လည်း ဘာစီလိုနာနဲ့ နည်းပြ ကိုးမန်းအတွက် စိန်ခေါ်မှု တွေ၊ သက်သေပြစရာတွေများတဲ့ကာလလို့ ဆိုရမှာပါ။