ရီးယဲလ်အသင်း၏ ထုတ်ပြန်ချက်တွင် "ရီးယဲလ်ဆေးအဖွဲ့၏ ဆေးစစ်ဆေးမှုအရ ဟာဇက်၏ ညာဘက်ခြေထောက်တွင် ကြွက်သားဒဏ်ရာ ရရှိနေကြောင်း တွေ့ရှိရသည်"ဟု ဖော်ပြပါရှိသည်။
ရီးယဲလ်တောင်ပံကစားသမား ဟာဇက်သည် ကြွက်သားဒဏ်ရာကြောင့် (၃၊ ၄)ပတ်ခန့် ထပ်မံ အနားယူရမည်ဖြစ်ပြီး ဘာစီလိုနာအသင်းနှင့်ကစားမည့် El Clásico ပွဲကို လွဲချော်ဖွယ်ရှိနေကြောင်း သိရှိရသည်။
၂၀၁၉ နွေရာသီအပြောင်းအရွှေ့ကာလအတွင်း ချယ်လ်ဆီးအသင်းမှ ရီးယဲလ်အသင်းသို့ ယူရို(၁၀၀)သန်း (Add-ons ကြေးများနှင့်ဆိုပါက ယူရို ၁၄၆ သန်း)ဖြင့် ပြောင်းရွှေ့လာသူ ဟာဇက်သည် ပြီးခဲ့သည့် ၂၀၁၉-၂၀ ရာသီတွင်လည်း ဒဏ်ရာပြဿနာများနှင့် ရုန်းကန်ခဲ့ရပြီး အသင်းအတွက် ပြိုင်ပွဲစုံ (၂၂)ပွဲသာ ကစားနိုင်ခဲ့ကာ (၁)ဂိုးသာသွင်း ယူနိုင်ခဲ့သည်။
ဟာဇက်သည် သြဂုတ်လ (၇)ရက်က ကစားခဲ့သည့် ချန်ပီယံလိဂ် ရှုံးထွက် (၁၆)သင်းအဆင့် ဒုတိယအကျော့ပွဲစဉ် မန်စီးတီး (၂-၁) ရီး ယဲလ်ပွဲတွင် ဒူးဒဏ်ရာရရှိခဲ့ပြီး ယခုရာသီ ရီးယဲလ် အသင်း၏ ပွဲစဉ်များတွင် ပါဝင်နိုင်ခြင်း မရှိသေးပေ။
ဟာဇက်အနေဖြင့် အသင်းအတွက် ယခုရာသီတွင် ပွဲကစားရန် ပြင်ဆင်နေချိန်၌ ရီးယဲလ်အသင်းက ဟာဇက်မှာ ကြွက်သားဒဏ်ရာရရှိနေကြောင်း အတည်ပြုခဲ့ခြင်းဖြစ်သည်။
ရီးယဲလ်အသင်း၏ ထုတ်ပြန်ချက်တွင် "ရီးယဲလ်ဆေးအဖွဲ့၏ ဆေးစစ်ဆေးမှုအရ ဟာဇက်၏ ညာဘက်ခြေထောက်တွင် ကြွက်သားဒဏ်ရာ ရရှိ နေကြောင်း တွေ့ရှိရသည်"ဟု ဖော်ပြပါရှိသည်။
ရီးယဲလ်အသင်းက ဟာဇက်အား မည်ရွေ့မည်မျှ အနားယူရမည်ကို ထုတ်ပြန်ခဲ့ခြင်းမရှိသော်လည်း AS က ဟာဇက်အနေဖြင့် (၃၊ ၄)ပတ်ခန့် အနားယူဖွယ်ရှိသည်ဟု ဖော်ပြခဲ့သည်။
ဟာဇက်အနေဖြင့် (၄)ပတ်သာနားရမည်ဆိုပါက အောက်တိုဘာ(၂၅) ရက်၌ ဘာစီလိုနာနှင့်ကစားမည့် El Clásico ပွဲကို လွဲချော်မည်ဖြစ်သည်။
