ဂျာမန်အသင်းကြီးဖြစ်သည့် ဘိုင်ယန်မြူးနစ်အသင်းသည် မန်စီးတီးအသင်း၏ ဂျာမန်တောင်ပံကစားသမား ဆာနေးအား ခေါ်ယူရန် စဉ်းစားနေကြောင်း ဗြိတိန်သတင်းစာ Daily Record က ဖော်ပြခဲ့သည်။

ဆာနေးသည် မန်စီးတီးအသင်းတွင် နည်းပြ ဂွါဒီယိုလာနှင့် ဆက်ဆံရေးမပြေမလည်ဖြစ်နေကြောင်း သတင်းများ ထွက်ပေါ်နေသည်။ 

ဘိုင်ယန်မြူးနစ်အသင်းတာဝန်ရှိသူများသည် ဆာနေး၏ အေးဂျင့်များနှင့် တွေ့ဆုံဆွေးနွေးရန် ဆန္ဒရှိနေပြီး မန်စီးတီးအသင်းထံ ခွင့်ပြုချက်တောင်းခံသွားမည်ဖြစ်ကြောင်း သိရှိရသည်။

ဘိုင်ယန်မြူးနစ်အသင်းသည် ရော်ဘင်၊ ရီဘာ ရီ အစရှိသော ၀ါရင့်တောင်ပံကစားသမားများ၏နေရာတွင်  အစားထိုးရန် ဆာနေးကို မျက်စိကျနေခြင်းဖြစ်သည်။