အာဆင်နယ်အသင်းသည် ဘရာဇီးလ်ဆယ်ကျော်သက် ဂါဘရီယဲလ်မာတင်နယ်လီကို ခေါ်ယူရန် နှုတ်အားဖြင့်သဘောတူညီမှုရရှိထားကြောင်း ဘရာဇီးလ်မီဒီယာများက ဖော်ပြခဲ့သည်။
(၁၇)နှစ်အရွယ်သာရှိသေးသူ မာတင်နယ်လီသည် ဆော်ပေါ်လိုအခြေစိုက် ဘရာဇီးလ်စတုတ္ထတန်းကလပ် အီတူယာနို အသင်းတွင် ကစားနေသူဖြစ်ပြီး အာဆင်နယ်အသင်းက ၎င်းအားစိတ်ဝင်စားနေသည့် အခြားကလပ်အသင်း(၂၅)သင်းထက် လက်ဦးမှုရယူနိုင်ခဲ့ခြင်းဖြစ်သည်။
မာတင်နယ်လီအားခေါ်ယူရန်စိတ်ဝင်စားသည့်အသင်းများတွင် ဘာစီလိုနာ၊ ဝက်ဖို့ဒ်၊ ခရစ္စတယ်ပဲလေ့စ်၊ လိဒ်စ်၊ ဖလာမင်ဂိုနှင့် ပါးလ်မီးရပ်စ်အသင်းတို့ ပါဝင်ခဲ့ကြောင်း သိရသည်။
Yahoo Esports က အာဆင်နယ်အသင်းသည် ပြောင်းရွှေ့ကြေးအတွက် ပေါင်(၅)သန်း ကုန်ကျနိုင်သည်ဟု ဖော်ပြခဲ့ပြီး မာတင်နယ်လီမှာ လက်ရှိတွင် အီတလီပတ်စ်ပို့တ်ရရှိရန်စောင့်ဆိုင်းနေကာ လာမည့်လတွင် ရဖွယ်ရှိသောကြောင့် ယင်းအချိန်ကာလရောက်မှသာ အပြောင်းအရွှေ့အပြီးသတ်ဖွယ်ရှိနေသည်။
ကစားသမား၏အေးဂျင့်ဖြစ်သူကလည်း ဥရောပသို့ မကြာမီ ပြောင်းရွှေ့ကစားရန် စီစဉ်နေသည်ဟု ဝန်ခံခဲ့သည်။
မာတင်နယ်လီသည် ၂၀၁၇ ခုနှစ်က မန်ယူအသင်းတွင် လာရောက်လေ့ကျင့်ဖူးခဲ့ကြောင်း သိရသည်။
