ဝက်စ်ဟမ်းအသင်းသည် အသင်း၏ ဂါနာတောင်ပံကစားသမား ကူဒူစ်ကို အနည်းဆုံးပေါင်(၈၅)သန်း ရရှိမှသာ ရောင်းထုတ်မည်ဖြစ်ကြောင်း သိရသည်။
အသက် (၂၄) နှစ်အရွယ်ရှိ ကူဒူစ်သည် ၂၀၂၃ နွေရာသီအပြောင်းအရွှေ့စျေးကွက်တွင် အေဂျက်စ်အသင်းမှ ဝက်စ်ဟမ်းအသင်းထံသို့ Add-ons ကြေးများအပါအဝင် ပေါင် (၃၈) သန်းဖြင့် ခေါ်ယူခဲ့သည်။
ကူဒူစ်အနေဖြင့် ဝက်စ်ဟမ်းအသင်းသို့ စရောက်ကတည်းက ခြေစွမ်းပြကစားနိုင်ခဲ့ခြင်းကြောင့် အာဆင်နယ်အပါအဝင် ပရီးမီးယားလိဂ်ထိပ်သီးအသင်းများ ခေါ်ယူရန် စိတ်ဝင်စားခြင်းကို ခံနေရကြောင်း သိရသည်။
ဝက်စ်ဟမ်းအသင်းသည် ကူဒူစ်အား ခေါ်ယူစဉ်က (၅) နှစ်စာချုပ်ချုပ်ဆိုရာတွင် ပေါင် (၈၅)သန်းတန် လျော်ကြေးစာချုပ်ချုပ်ဆိုထားကြောင်း သိရသည်။
ထို့ကြောင့် ဝက်စ်ဟမ်းအသင်းသည် ၎င်းကို တန်ဖိုးလျှော့ချ၍ ရောင်းထုတ်ရန် အစီအစဉ် မရှိခြင်းဖြစ်ကြောင်း သိရသည်။
အာဆင်နယ်အသင်းသည် ထရိုဆက်ဒ်ကို ဆော်ဒီကလပ်ထံ ရောင်းချပြီး ကူဒူစ်အား ပြန်လည်ခေါ်ယူရန် စီစဉ်နေကြောင်း သတင်းထွက်နေသည်။
