စပိန်ကလပ် ရီးယဲလ်မက်ဒရစ်အသင်းသည် ယခု သြဂုတ်လမကုန်မီ စပါးကွင်းလယ်လူ အဲရစ် ဆင်ကို ပေါင်သန်း(၆၀)ဖြင့် ကမ်းလှမ်းဖွယ်ရှိကြောင်း ဗြိတိန်သတင်းစာ The Sun က ဖော်ပြခဲ့သည်။
စပါးအသင်းသည် အသင်းနှင့် စာချုပ်သက်တမ်း တစ်နှစ်သာကျန်ရှိတော့သော အဲရစ်ဆင်ကို စာချုပ်သက် တမ်းစေ့ချိန်၌ ပြောင်းရွှေ့ကြေးအလွတ်ဖြင့် ထွက် ခွင့်ပေးရမည်ဖြစ်ရာ ၎င်းအား ယခုအချိန်တွင် ပေါင် သန်း(၆၀)ဖြင့် ကမ်းလှမ်းပါက ရောင်းချလိမ့်မည်ဟု ရီးယဲလ်အသင်းတာဝန်ရှိသူများက မျှော်လင့်နေခြင်းဖြစ်သည်။
စပါးအသင်းဥက္ကဋ္ဌ လီဗိုင်းသည် အသင်းရှိ နာမည်ကြီးကစားသမားများကို ပြောင်းရွှေ့ကြေးအလွတ်ဖြင့် လက်လွှတ်သည့်အစဉ်အလာ မရှိဘဲ ဘယ်လ်ဂျီယံကွင်းလယ်လူ ဒမ်ဘီလီကိုလည်း စာချုပ်သက်တမ်းကုန်ဆုံးရန် တစ်နှစ်အလို တွင် ပေါင်(၁၁)သန်းဖြင့် ရောင်းချခဲ့ဖူးသည်။
ရီးယဲလ်မက်ဒရစ်အသင်းသည် အသင်းကစားသမား မိုဒရစ်၏နေရာတွင် အရန်သင့်အစားထိုးနိုင်ရန် အဲရစ်ဆင်ကို စိတ်ဝင်စားနေခြင်းဖြစ်သည်။
အဲရစ်ဆင်သည် ၂၀၁၃ သြဂုတ်လက အေဂျက်စ်အသင်းမှ ပြောင်းရွှေ့ကြေး ပေါင်(၁၁)သန်းဖြင့် ရောက်ရှိလာသူဖြစ်သည်။