၂၀၂၃-၂၄ ဘောလုံးရာသီ ဥရောပရွှေဖိနပ်ဆု(ESM)အတွက် ဘိုင်ယန်မြူးနစ်အသင်းက အင်္ဂလန်လက်ရွေးစင်တိုက်စစ်မှူး ဟာရီကိန်းက အမှတ်ဖြတ်ဦးဆောင်နေပါတယ်။ ဥရောပရွှေဖိနပ်ဆိုတာ အစဉ်အလာကြီးမားပြီး ကစားသမားတွေအတွက် ဂုဏ်သိက္ခာမြင့်မားတဲ့ ဆုတံဆိပ်လည်း ဖြစ်ပါတယ်။ အဲဒီဆုကို လိဂ်ပြိုင်ပွဲသွင်းဂိုးတွေအပေါ် အခြေခံကာ ချီးမြှင့်နေပါတယ်။ ဘိုင်ယန်မြူးနစ်ကို ဟာရီကိန်း ရောက်လာတာဟာ မင်္ဂလာတစ်ပါးပဲ၊ နေနဲ့လ ရွှေနဲ့မြလို လိုက်ဖက်ညီတာပါပဲ။ တကယ်လည်း ဟာရီကိန်းရဲ့သွင်းဂိုးမုန်တိုင်းဟာ ဘိုင်ယန်မြူးနစ်မှာလည်း အင်အားပြင်းထန်ခဲ့တယ်။ ဘွန်ဒစ်လီဂါစံချိန်တင်ဂိုးတွေက ဟာရီကိန်းဆီ ခပ်လွယ်လွယ်ရောက်လာတယ်။