လိဂ်ချန်ပီယံရှစ် ဂိုးသွင်းဘုရင် ခရစ္စဝုဒ်ကို ဘန်လေအသင်း စံချိန်တင်ပြောင်းရွှေ့ကြေးဖြင့် ခေါ်ယူ
Photo: bfc
ဘန်လေအသင်းသည် လိဂ်ချန်ပီယံရှစ်ကလပ် လိဒ်စ်အသင်းမှ နယူးဇီလန်တိုက်စစ်မှူး ခရစ္စဝုဒ်ကို ကလပ်စံချိန်တင်ပြောင်းရွှေ့ကြေးဖြင့် ခေါ်ယူလိုက်ကြောင်း သိရှိရသည်။
ခရစ္စဝုဒ်(၂၅)နှစ်သည် ပြီးခဲ့သည့်ရာသီက လိဂ်ချန်ပီယံရှစ်တွင် (၂၇)ဂိုးသွင်းယူကာ ဂိုးသွင်းဘုရင်ဆု ရရှိခဲ့သူဖြစ်သည်။
ဘန်လေအသင်းသည် ခရစ္စဝုဒ်အတွက် ကလပ်စံချိန်တင်ပြောင်းရွှေ့ကြေး ပေါင်(၁၅)သန်း ပေးချေခဲ့ရပြီး (၄)နှစ်စာချုပ် ချုပ်ဆိုခဲ့ခြင်းဖြစ်သည်။
ခရစ္စဝုဒ်သည် ဘန်လေအသင်းတွင် ကျောနံပါတ်(၁၁) ဝတ်ဆင်သွားမည်ဖြစ်ကြောင်း သိရှိရသည်။
