ချယ်လ်ဆီးတိုက်စစ်မှူး မိုရာတာ၏ ကန်သွင်းမှု

မားကို့စ်အလွန်ဆို၏ ဖရီးကစ်ဂိုး

ပွဲမစတင်မီ ပိုချက်တီနိုနှင့် ကွန်တီ တို့ကို တွေ့ရစဉ်

မိုရာတာ ခေါင်းတိုက်ချက် လွဲချော်ခဲ့သည့်မြင်ကွင်း

ဘတ်ရှူအာယီ ကိုယ့်ဂိုးကိုယ်ပြန်သွင်းမိနေစဉ်

မားကို့စ်အလွန်ဆိုရဲ့ သွင်းဂိုးတွေကြောင့် လန်ဒန်ဒါဘီမှာ အနိုင်ရခဲ့တဲ့ ချယ်လ်ဆီး

ပရီးမီးယားလိဂ်ပွဲစဉ်(၂) ပွဲကြီးပွဲကောင်းတစ်ပွဲဖြစ်တဲ့ စပါးနဲ့ချယ်လ်ဆီးပွဲတို့ရဲ့ လန်ဒန်ဒါဘီပွဲမှာတော့
ချယ်လ်ဆီးအသင်းက မားကို့စ်အလွန်ဆိုရဲ့ သွင်းဂိုးတွေကြောင့် (၂-၁)ဂိုးနဲ့ အနိုင်ရခဲ့ပါတယ်။ အဖွင့်ပွဲ
မှာ ရှုံးနိမ့်ခဲ့တဲ့ ချယ်လ်ဆီးအသင်းဟာ ဒီပွဲကို ရလဒ်ကောင်းအောင် ပြင်ဆင်ခဲ့ပြီး ဒဏ်ရာက သက်သာ
လာတဲ့ ကစားသမားသစ် ဘာကာယိုကို၊ မိုရာတာ၊ ရူဒီဂါ၊ ကွန်တေ အစရှိတဲ့ ကစားသမားတွေ အစုံ
အလင်ပါဝင်ခဲ့တယ်။

ဒါပေမဲ့ ကာဟေးလ်၊ ဖာဘရီဂတ်စ်တို့ ပွဲပယ်ကြောင့် မပါဝင်နိုင်လို့ ချယ်လ်ဆီးတို့ အားနည်းခဲ့ပြီး
စပါးအသင်းက ဘောလုံးပိုင်ဆိုင်မှု အသာနဲ့ကစားနိုင်ခဲ့တယ်။ ချယ်လ်ဆီးအသင်းအနေနဲ့ ဘောလုံး
ပိုင်ဆိုင်မှု အသာမရခဲ့ပေမယ့် အပိုင်ဂိုးသွင်းခွင့်အချို့ရခဲ့ပြီး ပွဲအစပိုင်းမှာ မိုရာတာရဲ့ အပိုင် ခေါင်း
တိုက်ချက် ဘေးထွက်သွားလို့ နစ်နာခဲ့တယ်။ ချယ်လ်ဆီးအသင်းအတွက် အဖွင့်ဂိုးကို ပွဲချိန်(၂၄)မိနစ်
မှာ မားကို့စ်အလွန်ဆိုက ဖရီးကစ်ကနေတစ်ဆင့် လှလှပပ ကန်သွင်းခဲ့တာဖြစ်ပါတယ်။ စပါးအသင်း
အနေနဲ့ ချေပဂိုးရဖို့ ကြိုးစားပေမယ့် ချယ်လ်ဆီးအသင်းရဲ့ ခံစစ်ပိုင်းက အမှားမရှိခဲ့ပါဘူး။ဟာရီကိန်း
ကန်ချက်အပါအဝင် စပါးအသင်း ချေပဂိုးရဖို့ အခွင့်အရေးတချို့ရခဲ့ပေမယ့် အသုံးမချနိုင်ခဲ့တာလည်း
ဖြစ်ပါတယ်။ ဒုတိယပိုင်း(၈၂)မိနစ်မှာ စပါးအသင်း မမျှော်လင့်ဘဲ ချေပဂိုးရခဲ့ပြီး လူစားဝင်လာတဲ့
ဘတ်ရှူအာယီက ကိုယ့်ဂိုးကိုယ်သွင်းယူခဲ့တာပါ။

ဒါပေမဲ့ (၆)မိနစ်အကြာမှာပဲ ချယ်လ်ဆီးအသင်းအနိုင်ဂိုးရခဲ့ပြီး ပတ်ဒရို ပေးတာကနေ မားကို့စ်အလွန်
ဆိုက ပယ်နယ်တီဧရိယာအတွင်း အပြင်းကန်သွင်းခဲ့တာဖြစ်ပါတယ်။