လီဗာပူးလ်အသင်းအတွက် တစ်လုံးတည်းသော အနိုင်ဂိုးကို သွင်းယူခဲ့သည့် မာနေ အောင်ပွဲခံနေစဉ် (Photo: AFP)
ပရီးမီးယားလိဂ် ပွဲစဉ်(၂) စနေည (၈း၃၀)ပွဲတွေကို ယှဉ်ပြိုင်ကစားခဲ့ရာမှာ လီဗာပူးလ်က အိမ်ကွင်းမှာ ပဲလေ့စ်အသင်းကို မာနေရဲ့ တစ်လုံးတည်းသောဂိုးနဲ့ အနိုင်ရခဲ့ပါတယ်။
လီဗာပူးလ်အသင်းဟာ ချန်ပီယံလိဂ် Play-off ကစားရဖို့ ရှိနေတာကြောင့် ဆာလာ၊ အမ်မရီချန်၊ လိုဗရန် အစရှိတဲ့ ကစားသမားတွေကို အရံခုံမှာ ထိုင်စေခဲ့ပါတယ်။ မာနေ၊ ဖာမီနို၊ စတာရစ်ချ်တို့ ဦးဆောင်တဲ့ တိုက်စစ်ကို ပဲလေ့စ်အသင်းက ကြံ့ကြံ့ခံ ကစားခဲ့ပြီး တန်ပြန်တိုက်စစ်တွေနဲ့ လီဗာပူးလ်အသင်းကို ပြန်လည်ဒုက္ခပေးခဲ့ပါတယ်။
ဒုတိယပိုင်းမှာ ဆာလာ၊ ဆိုလန်ကီတို့ ဝင်လာမှ လီဗာပူးလ်တိုက်စစ်မြိုင်သွားပြီး တစ်လုံးတည်းသော အနိုင်ဂိုးကို မာနေက (၇၃)မိနစ်မှာ သွင်းယူခဲ့ပါတယ်။ မာနေကတော့ ပဲလေ့စ်အသင်းနဲ့ ရင်ဆိုင်ကစားခဲ့တဲ့ (၆)ပွဲမှာ (၄)ဂိုးသွင်းပြီး (၁)ဂိုးဖန်တီးခဲ့တဲ့ မှတ်တမ်းကို ရယူနိုင်ခဲ့တာပါ။
အခြားပွဲစဉ်တွေမှာ လက်စတာ၊ ဆောက်သမ်တန်တို့က အိမ်ကွင်းနိုင်ပွဲကိုယ်စီ ရယူနိုင်ခဲ့ပြီး ဝက်ဖို့ဒ်၊ ဝက်စ်ဘရွန်းတို့ကလည်း အဝေးကွင်းမှာ နိုင်ပွဲကိုယ်စီ ရယူနိုင်ခဲ့ကြပါတယ်။
■ ပရီးမီးယားလိဂ်ရလဒ်များ
ဆွမ်ဆီး ဝ-၄ မန်ယူ
ဘုန်းမောက် ဝ-၂ ဝက်ဖို့ဒ်
ဘန်လေ ဝ-၁ ဝက်စ်ဘရွန်း
လက်စတာ ၂-၀ ဘရိုက်တန်
လီဗာပူးလ် ၁-၀ ခရစ္စတယ်ပဲလေ့စ်
ဆောက်သမ်တန် ၃-၂ ဝက်စ်ဟမ်း
■ လိဂ်ချန်ပီယံရှစ် ရလဒ်များ
ရှက်ဖီးယူနိုက်တက် ၁-၀ ဘန်စလေ
အက်စတွန်ဗီလာ ၄-၂ နောဝစ်ချ်
ဘော်လ်တန် ၁-၂ ဒါဘီ
ဘရစ္စတိုးလ်စီးတီး ဝ-၀ မီဝေါလ်
ဖူလ်ဟမ် ဝ-၁ ရှက်ဖီးဝင်းစ်ဒေး
အစ်ဝစ်ချ် ၂-၀ ဘရန့်ဖို့ဒ်
နော်တင်ဟမ် ၂-၁ မစ်ဒယ်ဘရော့
ပရက်စတန် ၁-၀ ရက်ဒင်း
QPR ၂-၁ ဟားလ်စီးတီး
ဝုလ်ဗ် ၁-၂ ကာဒစ်ဖ်
■ ဘွန်ဒစ်လီဂါ ရလဒ်များ
ဟော်ဖန်ဟင်မ် ၁-၀ ဝါဒါဘရီမင်
ဟာသာဘာလင် ၂-၀ စတုဂတ်
ဟမ်းဘတ် ၁-၀ အော့စ်ဘတ်
မိန့်ဇ် ဝ-၁ ဟန်နိုဗာ
ဝုလ်ဖ်ဘတ် ဝ-၃ ဒေါ့မွန်
