ချယ်လ်ဆီးကွင်းလယ်လူသစ် ဘာကာယိုကိုသည် သြဂုတ်(၂၀)ရက်တွင် ယှဉ်ပြိုင်ကစားမည့် စပါးအသင်းနှင့်လန်ဒန်ဒါဘီပွဲစဉ်တွင် အသင်းသစ်နှင့်အတူ ပွဲဦးထွက်ပါဝင်လာဖွယ်ရှိကြောင်း ဗြိတိန်သတင်းစာ DailyMail က ဖော်ပြခဲ့သည်။
သြဂုတ် ၁၈ ရက်တွင်ပြုလုပ်ခဲ့သည့် ပွဲကြိုသတင်းစာရှင်းလင်းပွဲတွင် ချယ်လ်ဆီး နည်းပြ ကွန်တီက သူ့အနေဖြင့် အသင်း၏ ဒဏ်ရာနှင့် ပွဲပယ်ပြဿနာများကြောင့် ဘာကာယိုကိုကို တွန်းအားပေးကစားခိုင်းဖွယ် ရှိကြောင်း ဝန်ခံခဲ့သည်။
"ဘာကာယိုကိုရဲ့ အခြေအနေဟာ အလွန်တိုးတက်နေပေမယ့် ရာနှုန်းပြည့်ကြံ့ခိုင်မှုတော့ မရသေးဘူး။ ဒါပေမဲ့ ကျွန်တော် သူ့ကို စပါးနဲ့ပွဲမှာ ထည့်သွင်းက စားဖို့ စဉ်းစားထားပါတယ်"ဟု ကွန်တီက ပြောကြားခဲ့သည်။
Photo: AFP/Getty Images
ထို့ပြင် ကွန်တီက ချယ်လ်ဆီးအသင်းကို ကမ္ဘာ့အကောင်းဆုံးအသင်း၊ သို့မဟုတ် ချန်ပီယံလိဂ်ဖလား ဆွတ်ခူးနိုင်သည့် အသင်းဖြစ်လာရေးအတွက် တည်ဆောက်ရန် လေးနှစ်ခန့်အချိန်လိုမည်ဟု သုံးသပ်ခဲ့ သည်။ ထို့ပြင် ၎င်းက ရာဇဝတ်သားတစ်ဦးကဲ့သို့ ဆက်ဆံသည်ဟူသော ဒီယေဂိုကော် စတာ၏မှတ်ချက်စကားကိုမူ အလွန်ရယ်စရာကောင်းသည့်စကားဟုသာ လှောင်ပြောင်သရော်ပြီး ပြောဆိုခဲ့သည်။
