Photo:AFP
ဂေါက်သီးမေဂျာပြိုင်ပွဲ (၄)ရပ်၏ နောက်ဆုံးပြိုင်ပွဲဖြစ်သည့် PGA Championship ဂေါက်သီးရိုက်ပြိုင်ပွဲတွင် အမေရိကန်ဂေါက်သီးသမား ဂျပ်စတင်သောမတ်စ်က နောက်ဆုံး(၆)ကျင်းတွင် ဘာဒီ(၂)ကြိမ်ရိုက်ကာ ပထမဆုံးဂရင်းစလင်းဆုဖလား ဆွတ်ခူးခဲ့ကြောင်း သိရသည်။
သောမတ်စ်သည် (၄)ရက်ပေါင်းရိုက်ချက်တွင် (၈)ချက်လျှော့ရိုက်ကာ စုစုပေါင်း(၂၇၆)ချက်ရိုက်ခဲ့ပြီး ဒုတိယပူးတွဲရရှိခဲ့သည့် အော့စ်သူဇန်(တောင်အာဖရိက)၊ မိုလီနာရီ(အီတလီ)၊ ပက်ထရစ်ရီးဒ်(အမေရိကန်)တို့ကို နှစ်ချက်အသာဖြင့် အနိုင်ရခဲ့ခြင်းဖြစ်သည်။
သောမတ်စ်အနေဖြင့် ချန်ပီယံဆုကြေး အမေရိကန်ဒေါ်လာ(၁.၈၉)သန်း ဆွတ်ခူးရရှိခဲ့ပြီး ယခုဂေါက်သီးရာသီအတွင်း CIMB Classic၊ Tournament of Champions နှင့် Sony Open ပြိုင်ပွဲများတွင် ဗိုလ်စွဲခဲ့ပြီးနောက် စတုတ္ထမြောက်ဆုဖလား ရယူနိုင်ခဲ့သည်။
