မန်စီးတီး - ဘရစ္စတိုးလ်စီးတီး (၁၀-၁-၂၀၁၈ နံနက် ၂း၁၅)
မန်စီးတီးအသင်းက ဒီရာသီလိဂ်ဖလားပွဲစဉ်တွေမှာ ပြိုင်ဘက်အသင်းတွေကို ပွတ်ကာသီကာနိုင်ပြီး ကျော်ဖြတ်လာခဲ့တာပါ။ ဒီပွဲပြီးရင်လည်း လီဗာပူးလ်နဲ့ ပရီးမီးယားလိဂ်ပွဲကျပ် ကစားရဖို့ရှိနေလို့ မန်စီးတီး လူစုံထုတ်မယ် မထင်ပါဘူး။ ဒါပေမဲ့ မန်စီး တီးအသင်းရဲ့အရံလူစာရင်းက ဘရစ္စတိုးလ်စီးတီးထက်တော့ အဆပေါင်းများစွာသာပါတယ်။ စဉ်းစားရမှာက မန်စီးတီးအသင်း အိမ်ကွင်းပွဲမှာ ပြိုင်ဘက်ကို ဂိုးပြတ်သွင်းပြီး ပထမအကျော့မှာပဲ အပြတ်ဖြတ်ထားမလားဆိုတာပါပဲ။ ဘရစ္စတိုးလ်စီးတီးက ဝက် ဖို့ဒ်နဲ့FAဖလားပွဲမှာ အရံကစားသမားတွေကိုပဲ ထုတ်သုံးသွားပြီး အခုပွဲမှာတော့ မန်ယူကိုအနိုင်ယူခဲ့တဲ့ အမာခံလူစာရင်းနဲ့ ရင် ဆိုင်ဖို့ရှိပါတယ်။ မန်စီးတီးအသင်း လိုအပ်သလောက် ဂိုးပြတ်သွင်းလိမ့်မယ်။
