လီဗာပူးလ်အသင်းတိုက်စစ်ကစားသမား ဆာလာသည် ပရီးမီးယားလိဂ်သမိုင်းတွင် အသင်းတစ်သင်းတည်းအတွက် ပွဲအနည်းဆုံးဖြင့် ဂိုး (၅၀) သွင်းယူနိုင်သည့်ကစားသမားဖြစ်လာရန် ပစ်မှတ်ထားနေကြောင်း သိရသည်။
လီဗာပူးလ်အသင်းသည် လာမည့် တနင်္ဂနွေနေ့တွင် ပရီးမီးယားလိဂ်ပွဲစဉ်အဖြစ် မြို့ခံပြိုင်ဘက် အဲဗာတန်အသင်းကို အဝေးကွင်း၌ သွားရောက်ကစားရမည် ဖြစ်သည်။
ဆာလာသည် လက်ရှိအချိန်တွင် လီဗာပူးလ်အသင်းအတွက် ပရီးမီးယားလိဂ်ပွဲပေါင်း (၆၄)ပွဲကစားထားကာ (၄၉) ဂိုးအထိ သွင်းယူထားပြီး အဲဗာတန်နှင့်ပွဲတွင် ဂိုးသွင်းကာ မှတ်တမ်းသစ်ရယူရန် ပစ်မှတ်ထားနေခြင်းဖြစ်သည်။
ပရီးမီးယားလိဂ်သမိုင်းတွင် အသင်းတစ်သင်းတည်းအတွက် ပွဲအနည်းဆုံးဖြင့် ဂိုး (၅၀) သွင်းယူနိုင်သည့် ကစားသမားအဖြစ် စံချိန်တင်ထားသူမှာ အင်္ဂလန်ဂန္ထဝင်တိုက်စစ်မှူး အလန်ရှီးယားဖြစ်သည်။
အလန်ရှီးယားသည် ဘလက်ဘန်းအသင်း၌ ကစားစဉ်က ပရီးမီးယားလိဂ်သွင်းဂိုး (၅၀)ကို (၆၆) ပွဲကစားပြီးချိန်တွင် ရရှိခဲ့ခြင်းဖြစ်သည်။
အလန်ရှီးယား၏ နောက်တွင် ဂိုး (၅၀)ပြည့် ပွဲအနည်းဆုံးကစားသမားအဖြစ် ရပ်တည်နေသူများမှာ မန်ယူတိုက်စစ်မှူးဟောင်း နစ္စတယ်ရွိုင်း၊ လီဗာပူးလ်တိုက်စစ်မှူးဟောင်း တောရက်စ်၊ မန်စီးတီးတိုက်စစ်မှူး အဂွဲရိုးနှင့် မန်စီးတီးတိုက်စစ်မှူးဟောင်း တီဗက်ဇ်တို့ ဖြစ်ကြောင်း သိရသည်။
