ပင်လယ်အော်တောင်ပိုင်း၌ ဖြစ်ပေါ်မည့် မုန်တိုင်းငယ် အိန္ဒိယနှင့် သီရိလင်္ကာသို့ ရောက်ရှိမည်ဟု မိုးလေသဝနှင့် ဇလဗေဒညွန်ကြားမှုဦးစီးဌာနက ခန့်မှန်းသည်။
နိုဝင်ဘာ ၂၃ ရက် မွန်းလွဲပိုင်း တိုင်းထွာချက်အရ အီကွေတာအနီး အိန္ဒိယသမုဒ္ဒရာအရှေ့ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော်အရှေ့တောင်ပိုင်း တို့တွင် လေဖိအားနည်းရပ်ဝန်းတစ်ခု ဖြစ်ပေါ်နေကြောင်း၊ အဆိုပါ လေဖိအားနည်းရပ်ဝန်းသည် အနောက်-အနောက်မြောက်ဘက်သို့ ရွေ့လျားနိုင်ပြီး၊ ပိုမိုအားကောင်းလာနိုင်ကာ နိုဝင်ဘာ ၂၅ ရက်တွင် ဘင်္ဂလားပင်လယ်အော်တောင်ပိုင်း၌ မုန်တိုင်းငယ် အဖြစ်သို့ ရောက်ရှိနိုင်ကာ အနောက်မြောက်ဘက်သို့ ရွေ့လျားနိုင်ပြီး၊ နောက် နှစ်ရက်အတွင်း အိန္ဒိယနိုင်ငံ၊ တမီးလ်နာဒူးကမ်းခြေ-သီရိလင်္ကာနိုင်ငံကမ်းခြေတို့သို့ ရောက်ရှိနိုင်သည်ဟု မိုးဇလက ခန့်မှန်းသည်။
မြန်မာနိုင်ငံ၏ အခြေအနေနှင့် ပတ်သက်ပြီး နိုဝင်ဘာ ၂၈ နှင့် ၂၉ ရက်တို့တွင် ရခိုင်ပြည်နယ်မြောက်ပိုင်း စစ်တွေ၊ ကျောက်တော်၊ မြောက်ဦး၊ မောင်းတော စသည့် မြို့နယ်များတွင် မိုးရေချိန် ၅ လက်မနီးပါးရွာသွန်းနိုင်ကြောင်း၊ မကွေးတိုင်း၊ စစ်ကိုင်းတိုင်း၊ ချင်းပြည်နယ်၊ မန္တလေးတိုင်းနှင့် ရှမ်းပြည်နယ်တို့တွင် မိုးရေချိန် ၁ ဒသမ ၆ လက်မအထိရွာသွန်းနိုင်ကြောင်း၊ မုန်တိုင်း၏ အချက်အလက်များနှင့် ပတ်သက်ပြီး အချိန်မရွေးပြောင်းလဲနိုင်ကြောင်း မိုးလေဝသစောင့်ကြည့်လေ့လာသူ ဦးဝင်းနိုင်က မိုးလေဝသအချက်အလက်များကို အခြေခံပြီး ခန့်မှန်းထားသည်ကို တွေ့ရသည်။
