မိုးသည်းထန်စွာရွာသွန်းခြင်းကြောင့် သောင်ရင်းမြစ်ရေသည် မြ၀တီမြို့တွင်းပိုင်ထိ နှစ်ကြိမ်မြောက် ၀င်ရောက်လွှမ်းမိုးခဲ့ရာ အိမ်လုံးကျွတ်နစ်မြုတ်သော အနိမ့်ပိုင်းနေသူများမှာ ပြန်လည်ထူထောင်ရေးခက်ခဲနေဆဲဖြစ်သည်ဟုသိရသည်။
မြ၀တီ မြို့ အမှတ်(၅)ရပ်ကွက်၊သရက်ပင်ဂိတ် အောင့်ချိုင့်အနိမ့်ပိုင်းနေသူများ၊အမှတ် (၂) ရပ်ကွက် အောက်ချိုင့်နေပြည်သူစုစုအပါင်း အိမ်ထောင်စု၄၀၀ ကျော်အား မြ၀တီဖောင်ဒေးရှင်းနှင့်စေတနာရှင်များက ယနေ့ စက်တင်ဘာလ ၂၃ ရက် နံနက်တွင် ဆန်၊ဆီ၊ခေါက်ဆွဲခြောက်၊ရေသန့်နှင့် ဂွမ်းစောင် များပံ့ပိုးလှူဒါန်းပေးခဲ့ကြောင်းသိရသည်။
ရေနစ်မြုတ်ခံရပြီးအမှန်တကယ်လိုအပ်နေသူများကိုစနစ်တကျစိစစ်ကာ တုံကင်ကြိုပေးထားသည့်စနစ်ဖြင့် ပေးဝေလှူဒါန်းခြင်းဖြစ်ကြောင်း။သရက်ပင်ဂိတ်အောက်ချိုင့်နှ့င့်ခွန်ဆာ၀င်းချိုင့် နှစ်နေရာမှာ မိသားစု၄၀၀ အတွက်လှူဒါန်းခြင်းဖြစ်ကြောင်းမြ၀တီဖောင်ဒေးရှင်းလူမှုကူညီရေးအဖွဲ့၀င်တစ်ဦးက ပြောသည်။
ဒုတိယအကြိမ် ရေးကြီးနစ်မြုတ်စဥ်က ေရစီးနှင့်အတူ နေအိမ်မျောပါသွားသူတစ်ဦးက""အိမ်ကတော့ဒုတိအကြိမ်မှာမျောပါသွားပါတယ်၊အ၀တ်တစ်ထည်းကိုယ်တစ်ခုနဲ့ အသက်ဘေးက လူလွတ်ရုံပြေးကြရတာပါ၊အိမ် တော့ ပြန်မဆောက်နိုင်သေးပါဘူး။သူများအိမ်မှာ သနားခံပြီးနေ နေရပါတယ်၊ပန်းရံအလုပ် နေ့စား၀င်လုပ်ပါတယ်။မိသားစုစားရရုံပါပဲ။ခု ကုန်စျေးနှုန်းနဲ့ ဝါးအိမ်တောင် ပြန်ဆောက်နိုင်ဖို့မလွယ်သေးပါဘူး""ဟု စိတ်မချမ်းမြေ့စွာပြောကြားခဲ့သည်။
ယခုကဲ့သို့ အခက်အခဲ၊ဖြစ်နေချိန်မှာ ပရဟိတအဖွဲ့များ ၊စေတနာရှင်များ လာရောက်လှူးဒါန်းပေးခြင်းအတွက်လည်းအထူးကျေးဇူးတင်ကြောင်း၄င်းကဆိုသည်။
မွဝတီမွို့တှငျ ရကွေီးရေလြှံမှုနှစျကွိမျဖွစျပှားခဲ့ခွငျးကွောငျ့ မွို့ပေါျရှိ ရပျကှကျ(၅)ရပျကှကျလုံးနစျမွုတျခဲ့ကာ အိမျထောငျပရိဘောဂမြား၊ရောငျးကုနျပစ်စညျးမြား၊လူ့အသုံးအဆောငျမြား မြားစှာဆုံးရှုံးခဲ့ပွီး အနိမျပိုငျးနသေူမြားမှာ နအေိမျခေါငျမိုးပါမကနြျနစျမွုတျခဲ့သလိုရစေီးနှငျ့မြှောပါသှားသညျ့နအေိမျမြားလညျးရှိကွောငျးသိရသညျ။
ကိုရွှေသိန်း (မြ၀တီ)
