ဟာရီကိန်းကို မလိုချင်တဲ့အသင်း မရှိနိုင်ပါဘူး။ မန်စီးတီးလည်း ဟော်လန်းမတိုင်ခင်က ဟာရီကိန်းစီမံကိန်း စိတ်ကူးဖူးတယ်။ ဒါပေမဲ့ ဟာရီကိန်းက စပါးကနေ ထွက်သင့်၊ မထွက်သင့် ဝေခွဲမရဖြစ်ခဲ့သလို၊ စပါးဥက္ကဋ္ဌ လီဗီကလည်း လောဘတက်ခဲ့လို့ အပြောင်းအရွှေ့ဖြစ်မလာခဲ့ဘူး။ ရီးယဲလ်ကလည်း ဟာရီကိန်းကို တပ်မက်ဖူးတယ်။ ကောလာဟလအဆင့်ထက် ပိုခဲ့ဖူးတယ်။ ပိုချက်တီနိုရဲ့ အမြင့်ပျံစပါးနဲ့အတူ ဟာရီကိန်းသွင်းဂိုးမုန်တိုင်းတွေ တိုက်ခတ်နေချိန်မှာ ရီးယဲလ်နဲ့ ဟာရီကိန်းကြား ဇာတ်လမ်းကို မြင်ရတာပဲ။ ခက်တာက ဟာရီကိန်းပဲ၊ သူက မဟာသစ္စာရှင်ကြီး ဖြစ်ချင်နေတယ်။ ရိုးမားက တော့တီ သစ္စာကြီးတယ်ဆိုတာ ဟာရီကိန်းလို ဘဝမျိုး မဟုတ်ဘူး။ ရိုးမားနဲ့ စီးရီးအေအပါအဝင် အောင်မြင်မှုတွေရတယ်၊