ဒီရာသီ ပရီးမီးယားလိဂ်မှာ ပြောစရာအဖြစ်ဆုံး နည်းပြနှစ်ယောက်ကတော့ ချယ်လ်ဆီးနည်းပြ ဂရေဟမ်ပေါ်တာနဲ့ လီဗာပူးလ်နည်းပြ ယာဂန်ကလော့ပ်တို့ပါပဲ။ မလိမ်တတ်၊ မညာတတ်တဲ့ အမှတ်ပေးဇယားရပ်တည်မှုကို ကြည့်လိုက်ရင် လီဗာပူးလ်က အဆင့်(၈)နေရာ၊ ချယ်လ်ဆီးက အဆင့် (၁၀)နေရာ ရောက်နေတာကို တွေ့ရမှာပါ။ အားလုံးက ချန်ပီယံမျှော်လင့်ချက်မဆိုထားနဲ့ ချန်ပီယံ လိဂ်ဝင်ခွင့်အတွက်တောင် အိပ်မက်လှလှမက်လို့ မရနိုင်တဲ့ အခြေအနေမျိုးရောက်နေတာပါ။ လီဗာပူးလ်အသင်းက အဆင့်(၄)နေရာက စပါးအသင်းနဲ့ (၇)မှတ်ကွာနေပေမဲ့ (၂)ပွဲလျော့နေတာကြောင့် ချယ်လ်ဆီးလောက်တော့ မဆိုးသေးပါဘူး။