ဘရန့်ဖို့ဒ်အသင်း၏နည်းပြ သောမတ်စ်ဖရန့်ခ်က မိမိသည် လက်ရှိအသင်းနှင့်အတူ ဥရောပဝင်ခွင့်ရယူသွားရန် အိပ်မက်မက်နေကြောင်း ပြောကြားခဲ့သည်။

''ကျွန်တော်က စိတ်ကူးယဉ်သမားတစ်ယောက်ပါ။ ဒီနေရာက ဒဏ်ရာရကစားသမား (၃)ယောက်လောက်ရှိတာနဲ့ အရာရာချက်ချင်းပြောင်းလဲသွားနိုင်တဲ့ လိဂ်ပြိုင်ပွဲဆိုတာ သိပါတယ်။ ဒါပေမဲ့ ကျွန်တော်တို့ ကောင်းကောင်းအာရုံစိုက်ကစားနေနိုင်ပြီး အနိုင်ရဖို့အတွက်လည်း အားလုံးပေးဆပ်ကစားနေပါတယ်။ ဒါကြောင့် ကျွန်တော်တို့ အိပ်မက်မက်နိုင်တာဖြစ်ပြီး တတ်နိုင်သမျှ အမြင့်ဆုံးဖြစ်အောင် ကြိုးစားသွားမှာပါ'' ဟု သောမတ်စ်ဖရန့်ခ်က ဆိုခဲ့သည်။

ဘရန့်ဖို့ဒ်အသင်းသည် ပရီးမီးယားလိဂ်နောက်ဆုံး(၉)ပွဲဆက် ရှုံးပွဲမရှိဘဲ (၅)ပွဲအနိုင်ရခဲ့ပြီး လာမည့်ပွဲစဉ်တွင် ထိပ်ဆုံးမှ အာဆင်နယ်နှင့် ရင်ဆိုင်ရမည်ဖြစ်သည်။