BTS အဖွဲ့ဝင် V သည် ကေပေါ့ပ်လောက၏ ဆွဲဆောင်မှုအရှိဆုံးအမျိုးသားတစ်ဦး အဖစ် ရပ်တည်လာသည်မှာ နှစ်ချီကြာမြင့်နေပြီဖြစ်သည်။ယခုလည်း ဖျော်ဖြေရေးဆိုင်ရာ အွန်လိုင်းမီဒီယာ Speical Awards က ၎င်းတို့ နှစ်စဉ်ဖော်ပြလေ့ရှိသည့်  ၂၀၂၂ ခုနှစ်အတွင်း အာရှအနုပညာနယ်ပယ်၌ ဆွဲဆောင်မှုအရှိဆုံး Top Face of the Year စာရင်းတွင် V ကို ထိပ်ဆုံး၌ဖော်ပြထားသည်။

V သည် ထိုစာရင်း၏နံပါတ်(၁)နေရာ တွင် နှစ်နှစ်ဆက်တိုက် ဖော်ပြခံရခြင်းလည်း ဖြစ်သည်။

နံပါတ်(၂)နေရာတွင် ရပ်တည်နေသူက BLACKPINK အဖွဲ့ဝင်လီဆာဖြစ်ပြီး စာ ရင်းတွင် မပါမဖြစ် ကေပေါ့့ပ်အဆိုတော်များ ဖြစ်သည့် ဂျန်းနီနှင့် ဂျီဆူးတို့ကလည်း နံပါတ် (၄)နှင့် နံပါတ်(၅)နေရာတို့ကို ရယူထားသည်။

နံပါတ်(၃)နေရာတွင်ရှိနေသူက မကြာမီက ကမ္ဘာ့ဖလားဖွင့်ပွဲတွင် ဖျော်ဖြေထားသည့် BTS အဖွဲ့ဝင် Jungkook ဖြစ်သည်။